今氣溫較昨略回升。Omicron(o)變種殺入社區後，疫情第五波壓倒寒流，成為頭號關注。
雖然此刻尚未去到第五波，但以o傳播之厲害，恐怕元旦過後就大駕光臨。到時又要進一步拉開社交距離。建制剛嚐過聖誕消費的甜頭，必大力抗拒。但想與上面通關，迎來更大的市場，抗疫力度就要與上接近“一致”，“俯首甘為孺子牛”。
O比上一種變種delta（δ）‘好運’：11月係非洲南部爆出黎，有齊天時地利人和。
天時：北半球入冬，有利病毒繁殖；
地利：南非係前荷蘭和英國殖民地，當地白人頻頻往來西歐，帶埋o過去（o剛登上國際頭條，就有一班南非去荷蘭既班機有幾十人確診）；
人和：聖誕、元旦將屆，發達地區忙於派對、探親、旅遊，成為o最好既幫手。
O現正在歐美勁爆，連零容忍的中國內地也未能倖免。
港式文化既一個特色係刻薄。多年前，有港產片曰《愈快樂愈墮落》。如今來到疫情時代，似乎變成《愈發達愈爆疫》。因為，愈發達，人與物資的流動愈多愈快，带携阿o。
歐美呢波o，限於西方人對自由的執著，抗疫唔能夠太強硬，我估要到4月入春先至回落。
中國內地和港澳則由於2月1日就過年，未來呢個幾月點都要俾人探親、拜年、旅遊，o有機會漏網。恐怕要到3月初才能再度清零。
總之，未來呢兩個月係o既世界。當然要努力封，盡人事，但心裏要有數：短期內剎唔住佢既勢頭。
因此，睇到美、英、法、德、西…話幾日內確診倍增，無須太驚恐，呢個係時間問題。就如打仗：o目前佔有高地，天氣亦對佢有利。要等佢仗勢而驕，開始鬆懈，加上春風起（就如孔明借東風）…，人類先有機會反攻。
當然，不排除到時又來個l、k…變種。病毒係‘原始’生物，幾日就換代。每個新生代都吸收前一代在人體內的經驗，有些微的進化。但人作為高等動物，70年先至一代，進化速度比病毒慢萬倍，要靠疫苗和藥物才頂得住病毒的進化。
但希望隨著AI的進化，再過幾年，研究疫苗的進度能逐漸趕上病毒的進化，不再像過去兩年，新變種層出不窮。剛打完針，甚至第三針/加強針，又俾新變種走甩，疲於奔命。
但我又唔係咁悲觀。唔係因為我打嗮3針復必泰。早就知3針都仍然會感染，只不過唔使入ICU、插喉吸氣。後遺症可能都少的。
我既‘樂觀’係相信自然界既萬物相尅相生。目前已知既生物，都要從其他生物吸取養分來生存繁殖。病毒如果厲害到殺嗮全人類，自己也不再有食物以維生。所以，病毒無論點進化，都唔可能厲害到殺嗮所有人。自然界必定有方法可以反制。這包括人類的科技。
除非有物種能完全靠分解死物，例如礦石來生存，否則我唔相信人類會被病毒征服。
當然，病毒肆虐的過程中，人類會傷亡慘重，有的社會甚至會崩潰。但人類作為一個物種，唔會被病毒征服。
如果你信唯物，好似內地，則人定勝天。
如果你信宗教，好似西方，則天/神不會讓人類俾無意識既物種滅亡。
當然，人類要努力，但冇咁容易死既。
沒有留言:
張貼留言