211227一晚13°C 75%：9.9℃的日子

一個時代的終結：

反種族隔離和平獎得主、南非聖公會榮休主教Desmond Tutu，享年90、

中國明清史西方泰斗Jonathan Spence（中文名：史景遷）：英國人，美國耶魯大學教授，著作等身，享年85。

The third day of Christmas,官方低溫9.9℃，今冬以來最冷。但今午外出，極目所見羽絨、大䄛裏，竟然有一個貌似本地人既中年男士，著短袖T帶小朋友遊公園，勁過西人。唔知會否被人po上Fb？

在港經歷過最凍既好似係4℃。但唔記得邊年。當時怕未有羽絨，亦未興用暖爐，唔記得點過。

我在外經歷過最凍既，記得係-10℉，約合-23℃。但前後兩日都係℉上下，亦即-18℃左右，加上windy city芝加哥既wind chill factor，體感可以落到-30℃。

但當時20零，貼身mohair冷衫，外罩類似北方牧人著既Parker，包住頭急行就頂過去。係空曠地方最長停留過個半鐘，凍到頭脹痛、耳冇知覺。幸而返回室內後，不久就回復正常。而家俾我再去北半球北方，冬天怕頂唔住-10℃。

聖誕前夕睇紐約市電視，竟然‘暖’到40℉，亦即4℃。12月尾罕見。‘幸而’，聖誕日終於落番到32℉，亦即0℃，比較‘似’Christmas。

不怕說，我在這方面已被condition。真要我移民，一年四季‘顛倒’，7月羽絨、1月T恤既南半球，心理上最難適應。聖誕老人除咗著泳衣，座駕相信也要請鴕鳥來拉。即便美國南加州洛杉磯地區既聖誕，我都覺得有的冇癮。

明天週二12.28復工，預料低溫與今日相若。後日週三起就逐漸回暖。香港既凍，只係‘曇花’，頭尾兩三日，否則坊間有得媽：長者、長期病患、露宿者、獨居老人…，流感..，我都有資格鬧架。

港進入新時代後，政治難開口，想媽當局要假借民生、環保、女權、…甚至動物。因此，過去呢年，有志之人特別關愛。媒體上的呢類壓力無日無之，而且去到盡，恐怕連北歐福利社會都做唔到咁進步。的確，我地香港唔好妄自菲薄。我地體育出得世界冠軍，點解關愛唔可以領先全世界。