211222三午雲21°C 73%：無謂saai氣

大報指〈林鄭料今見主席述職 政界關注連任〉同日，港聞頭條〈10多官津名校退學率升 據稱多涉初中生兼「走得急」〉。

無獨有偶，日前其姐妹報頭條稱有前女港官退任國際機構總幹事後，準備高調復出。

唔好誤會，咁講只係新聞‘刑偵’，並唔係想幫邊個上位。

平心而論，回歸20多年後，深圳河南北既經濟地位已對調。如今再借移民流失社會中堅來對上施壓，佢怕偷笑。

我估佢早已預咗，反過來借勢騰籠換鳥，動員係本港及五眼聯盟取得專業資格既內地人來填補港人外移留下既空缺，化10年時間，從結構上改造港人：由七成認同本地變成七成認同今日既中國，杜絕類似台灣深度綠化既後患（我估台民裡既‘自然綠’佔八成，而且剩下個二成藍大都係長者，甚至70後）。

而可信上面亦深知，港人中產短期內exodus後，一時間冇咁多港話流利既北人‘四師’（醫護、律師尤其少）離填補，今後5年必有人借對基層既服務不足來對當局施壓（期間呢類壓力團體會好熱心，近月就已不斷為關愛、環保高呼）。

但騰籠換鳥應屬國策，唔會因為空窗期而放手。期間只會用制度安排來舒緩困難。我亂估：例如將部分非緊急既醫療工作北移前海，請講普通話既新港人幫手，甚至用Zoom，在前海遙距為在港既患者覆診，最多請港話翻譯在旁協助溝通。配藥照舊在香港公院領取。至於律師，內地AI咁叻，會唔會借來分擔部分工作？

以上純屬發噏風，冇大小道以為憑。唔好當真。