女子200自賽前，感覺上何詩蓓贏面8成。但今晚的100自，以為五五波。
小女子多年來給我的印象：200稱王，但頭100飇唔過歐美個別對手，每次都俾一人壓住。這與田徑100米同200米各有人稱王，係同樣既道理。
除非出咗極個別既超人，例如以前男子短跑既牙買加Usant Bolt保特。因為跑速實在太快，100、200都遠遠超班，咁先可以一人獨攬100與200。Bolt一發力，所有對手都食塵。佢最後個十幾二十米甚至要hea跑，留番的面俾對手，也留番的人類100米速度極限既懸疑俾世人。
不用說，何詩蓓還不是女子泳將裏的Bolt。因此，我對佢既睇法比較保守。
但半個鐘頭前，Siobhán終於贏咗100自以往壓住佢既瑞典王牌，首奪世界賽冠軍。
2021 is her year. 她處於巔峰狀態。希望她2022也有天時地利人和。
但反過來，也許我比較多心。正因為她處於巔峰，搏到盡，擔心她過勞，觸動傷患。這是頂尖運動員最常見也最可怕的命運。巔峰狀態一般不過4-5年。期間如果因為傷患而跌watt一年，復原後不一定能回復巔峰，又或者期間俾新的對手飆咗上離，心理大受影響。
當然，看何詩蓓的陽光性格，即使有傷患相信也有很強的心理質素去應對。美國也會有最好的治療師幫佢。但為了減少傷患，在力拼和過勞之間求取平衡，仍然至為關鍵。
We love you Siobhán. Take good care.
沒有留言:
張貼留言