天繼續晴。
今晨專程去管文康號碼的「衙門」，當面填報「忘記密碼」，要求重設。職員收下我的表格時說：現在這方面的工作很多，要花點時間。今晨我致電官方網站的號碼時，接電話的黃/王小姐也好像說要10日。
官方核准後，會用電郵將一次性的臨時密碼T傳給我，讓我用來登入文康號碼網站，然後改成新密碼P。下次報gym班是一個月後，應該趕得及，不需要再來衙門催吧？
我起初simple and naïve，以為文康改密碼就像銀行、網購…，官方電腦會即時傳回臨時密碼T，讓我隨即登入網站自選新密碼，2-3分鐘就搞掂。2-3分鐘內不完成，臨時密碼就失效，要重頭來過。
原來，設定官用密碼遠比每日往來十億計資金的銀行和網店嚴謹得多。一眾公僕好辛苦！
填表方知，當局至今仍主要用紙郵來通知用戶，表格冇欄目供填寫電郵。比較紙郵和電郵的紙張、郵費、人力…成本，會相當有趣。但如今全球走左，弱勢大過天，好心的團體、學者會拋出「調查」：好多長者冇手機、電腦，也唔識用，唔能夠歧視佢地！
長者在很多方面跟不上年輕人，是科學的規律。莫說基層長者，我自問中產，讀過書，用咗將近40年電腦，而家也越來越怕網上交易。對一個單位值幾萬美元，一日可以上落成萬的網絡貨幣，更完全唔識解，只能避開，怕差錯腳入去，萬劫不復。
我最近呢兩日，就先後兩次俾Google Play硬收我從未尋求，也從未授權的網絡防毒apps訂閱年費，而且係透過我的手機網絡商先斬後奏。第一單俾我即時reject，Google方面檢查過後，願意退款。但初步看，恐怕唔係退番現金，而係退落Google Play既戶口當credit。換言之，逼我買其他產品。但最怕買其他產品，唔係一次過，再次俾佢屈成訂閱，每年收取。所以，我已即時取消Google Play戶口的所有付款賬戶。至少等佢冇咁易收錢，先斬後奏。
我而家先知道網絡交易咁恐怖。但以上只係我個人的遭遇，各位網友應該比我叻得多，唔會俾網商屈，話唔定仲可以反過來攞到著數。這就是我老了，跟唔上時代的明證。但這是老人無奈的規律，我只有避開，唔可能好似後生仔咁玩呢類遊戲。
咁係唔係唔公平呢？係，但在所難免。難道我可以同後生鬥快、鬥大力、鬥長氣、鬥長命乜？
真正想社會進步，應該係明白自然界客觀的規律，承認客觀的限制，幫助弱勢縮小與強勢年齡、性別、種族、經濟地位的差距，而唔係一味死維護弱勢，拖住社會向前，自欺欺人。
沒有留言:
張貼留言