今日在家踎躉避雨，明日怕亦如是，後日先去整牙。
好多新聞：
今晚最新既係：支援反修例被捕人士的「612基金」4名信託人：大律師吳靄儀、陳日君主教、歌手何韻詩、學者許寶強被捕，涉嫌勾結外國勢力。
陳日君今年90，退休前係樞機主教：香港歷來職位最高的天主教神職人員。吳靄儀以大律師為業前，係明報掌門人之一。何韻詩係梅艷芳生前愛徒。
西方媒體有得炒。
全部5名信託人的餘下1人前立法會議員何秀蘭現正服刑，暫未聞被捕。
元朗火鍋店群組增至23人。仲係無關大局？
好市民：獲醫管局嘉獎的伊院急症室主管何曉輝，on call 36年，更為抗疫延遲退休。
我近年入過幾次急症室（唔計陪家人），其中2次醫生睇過後直送病房，對服務都好滿意。希望何醫生退休後，仍有機會為市民服務。
之所以稱「好市民」而唔係「好醫生」，覺得好既醫生好多。月前我睇過既一位外科專家就好好，有醫術，有關切，俾佢醫好放心，即使醫唔番，應該都唔會怪佢。
但好市民俾好醫生再多一啲：為廣大市民服務，幫埋社會，唔係淨係醫番好人，借用公共知識分子的稱呼，或可稱為「公共醫生」。這裡的「公共」係社會大眾分享的意思，唔同「公共知識分子」，帶有專針對權貴的反對者形象。公共醫生純粹係盡醫者本份，與政治無涉。
勇敢的香港人：汪明荃為了登台，係澳門酒店隔離21日！辛苦了！
藝人隔離期間，肯定要係酒店房練歌排舞，以保持最佳狀態登台。鄰房的朋友有福了！
如果住正MIRROR隔離房，聽足21日rehearsal，中六合彩都買唔到！
中學文憑試（DSE）中史科問6,000未來棟樑：1.「抗美援朝」、2.「打倒美帝，打倒蘇修」、3.中美乒乓外交發生既先後次序。
答啱嗮既考生，你估20年後會唔會係愛國治港棟梁？
嚴重誇大，抬高勞工來幫僱主：頭版頭條〈外傭變皇帝女 月薪搶至6500元〉。
唔會重演一戰導火線呀嘛？〈俄高超音速導彈襲烏敖德薩 歐高官急遁〉。一戰導火線係1914年夏天，有皇儲夫婦外訪途中出巡親民，被地方上的革命派刺殺。
可信？美情報指普京準備係烏克蘭長期作戰。戰事邁向3個月，俄軍尚未奪得親俄的頓巴斯克地區，肯定失預算。但拖落去只會拖死自己。普京雖然好難落台，但權衡輕重，會否這樣做？美、英公佈「情報」會否是打心理戰？
UN: 4,000+萬人口的烏克蘭，俄軍越境以來，境內800萬人失所，另590萬人去國。
南韓特色的民主：1948年獨立至今先後有14位總統。其中11位都冇好下場：暗殺、被囚、自殺…。新總統話明會追究剛卸任的文在寅貪腐。我賭10年！
沒有留言:
張貼留言