220507六晚24°C 81%：聽日3料齊飛

 明天大日子：母親節+佛誕+特首選舉撞埋一齊。祝各位如意。

我唯母親節有份。一唔係佛門弟子，二冇工返因而冇假補。至於選特首，更唔使問啦！你如果有票，enjoy!

再加上年紀，對公共政策已經冇乜可以預期，只求平平安安，因此對新特首也冇乜期望。

到擒日閱報先醒起：我在社會上唯一的利益可能係安老。老母「入院」不止5年，條件說實在的比較勉強。但限於能力，只能將就。再過5年，說不定輪到我，到時要有心理準備，睇鎹食飯。將自己交托俾上主，希望最後的階段順利度過，少連累家人。

睇影視，發達國家的安老院令人羨煞。日劇經常有安老題材，設備整潔寬敞，氣氛恬靜，室外有花園，真係寧養。即使冇人離探都可以放得下。

記得有政治重量級人物建議在保留地的邊緣興建新一代安老設施。如果有日劇設施既級數，一怕打崩頭，二怕住唔起。幾年前為老母物色安老院時，家人已shop過下。設施內有護士常駐的每月要幾萬。而家肯定唔止。以香港而家既人工，到我要入住個時，話唔定要7-8萬，絕不簡單。

聽在美國的友人話，美國較decent的安老院，每月都要過萬美元。係發達國家里，美國幾乎係唯一醫療主要靠私營的。養老自然一樣。

至於最後的歸宿，我的理想是：到時仍然可用的器官可以捐出，自己就入海漂流，遊遍5大洲。

今日有家事，就不另講社會了。Happy holidays！