220517二晚23°C 67%：鬆綁2.0會否短命?

霪雨將近一周後，終於放晴。預告接著幾日都好天。

政府7月起增設3副司，13局變15局。港媒話題係人事開支增近1億。

要市民出多1億應該take note，但關鍵係加咗開支後做唔做到嘢。

政府年開支~5,000億，1億~0.02%。有的部門進度經常延誤、不時出錯、高價買平嘢，大筆一揮隨時嘥千萬！起樓、築路更一拖拉就多幾億。班新官若能減少紕漏、確保進度，市民每年點只慳1億？

記者最著緊自由度，希望對內涵也抓緊些。

後日週四5.19鬆綁進階，本來大喜。但專家預告，下一波周內殺到甚至而家就已降臨。

即將任滿的特首雖堅持後日照鬆綁，但病毒的幽靈在維港上空盤旋。話唔定寬鬆的日子1周就玩完。

專家的理由係：目前既第五波尾「橫行」，日確200/300已有十日八日，相信社會上有好多無形既鏈傳緊，已構成第六波的基礎。

我唔識life science，唔敢話唔信。但近月開始明白，對於防疫既取態，觀點角度多過pure science。

Macro離講：嚴定寬取決於2個因素：

1.中招後症狀輕vs重？重則註定要嚴，否則死得人多，例如Ebola；輕的話可以寬，因為隔離規管的社會成本和經濟代價更大過多人染疫，例如流感。

上述的1.是純科學因素，任何社會都適用（當然，富裕社會例如歐美，治療能力強，可降低染疫死亡率，Ebola都救得番。窮國人患感冒都可能因為延誤治療枉死。）。

就目前所知，新冠19近流感遠多過Ebola--除非日後演變出重症的變種。

2. 大多數人係唔係有抗體?這取決於2個因素：a.有多少人染疫康復，有了抗體？b.有多少人注射疫苗獲得抗體？a+b如果接近人口90%，應該就接近所謂的herd immunity群體免疫。

至於香港是否已達到群體免疫，恐怕問專家都有人話O，有人話No。

但我就自己離睇：打足三針，每日晨運，飲食不abusive。第四針留番入冬病毒活躍時才打。

就盡人事，安天命來說，我已做到前者，餘下就看天。不會處處為防疫設限。果真染疫，希望一如大多數中招者，係屋企重感冒咁訓一周。

至於研究發現什麼長新冠，亦即康復後的手尾，我希望我冇咁好彩，我有啲信心既。冇人做研究唔得，但專睇啲研究就死。寫論文既通常係特殊case，對90%既人只會做成虛驚。我唔會理--除非你想藉此告當局、疫苗廠，搵番筆賠償。