5.3二，好日！
1.陰雨2日後放晴，且有風唔熱。
2.防疫提早鬆綁。
3. 證實東鐵過海段5.15通到金鐘。我唔怕悶，對鬆綁遠冇常人咁緊張；但愛城市，對延長地鐵額手稱慶。
4.友人轉來一張我同4個人係山頭影既史前相。場合、地點我毫無印象；4人裏只認得1人。經友人點醒，先記起係為一份新型週刊開荒既年頭，其餘4人係一眾後生同事。由此又想起當時其他的同事。
將近10年前，也有友人傳來一幅我與家人在紐約華文報館拍的照片。
謝謝這些朋友。典型的禮失而求諸野。希望各位幾已失散的朋友合家安好。
反過來又想起一位前不久離港的朋友。以前去看他，懶得轉地鐵，寧可等長線巴。如今東鐵可直達，但又沒必要矣！
不怕說，到此年紀，我好冇大志。每朝醒來，冇唔好既感覺就好感恩：又多一日！Enjoy，但出入小心！平常所謂開心，也只是行街買餸洗碗去到廁所，偶然3點3係快餐店食個乾牛河x熱奶茶。
午飯後，趁好天去維園行大運。由電車路橫跨成個公園到海邊公路旁，再經維園的一東一西折返電車路，幾十年來第一次。經過一眾足球場時，想起而家唔使每年一晚俾幾萬人霸嗮所有足球場，冇得踢波。耳根清靜！電車路入口處既維多利亞女王銅像，應該也不會有人再淋紅油。
維園出來後，經禮頓道西行到灣仔，看沿途的變化。路經St. Paul Convent，想起何詩蓓。她不僅體育成績值得欽佩。父母從事金融業，不用說，收入很高。父親是愛爾蘭人，女兒的樣子擺明鬼鬼地，兒時肯定以英文為母語，卻不入國際學校，而是送入local school，要兼讀中文。大個咗唔單止通粵語，會考中文甚至有花。這在華洋各半的家庭里，怕百中無一，係港人既榜樣！
沒有留言:
張貼留言