220510二晚26°C 91%：聞到政治氣味

元朗邊爐疫鏈至5.9有17人。當局話佔整體疫情小部分，影響不大。但睇唔出呢條食肆鏈同觸發上一波既又一城食肆鏈有何分別。感覺上，更似睇疫情大勢離判斷重唔重要既政治決定。

吉爾吉斯與港有幾多人員往來？為何獨承認其針卡？與其同屬穆斯林既一眾鄰國針卡，我地又啱唔啱？

台灣爆到5萬/日，我完全低估嗮。雖然以3倍港人口計，與港上月高峰既將近7萬相比，1/4都唔夠。台飆得咁犀利，多少係跟西方與毒共存的後果，事前都預咗。怕要去到10萬/日先到頂。

英女王話明因行動不便，改由皇儲查理代為朗讀國會開幕詞。繼位近了？

鄰近既南韓同菲律賓都換總統。前者據說對華強硬，後者相反。兩相對比，南韓對華較重要，尤其因北韓不斷耀武來逼美國關注。中國對菲主要是南海島礁的主權問題。

Omicron傳播勁，內地靠強控好吃力。抗疫2年4個月以來，首見民間多微言，間接被境外借來踩清零路線。日前更有內地老學者上網質疑封控手段違法，恍若港人見慣的司法覆核。嗮氣！睇媒體點報，就知道傾向。

新時代下，自由派記者好慘。以往以株死的建制為榮。如今國安新時代，唔敢放言，怕被抽稱。但以前慣咗政治掛帥，唔使有內涵。如今唔敢放言，只能亂問的白痴問題。例如：問李家超既競選辦主任下屆會否還是一人出選。

今日趣聞：〈台軍醫院掛鐘播《東方紅》報時 院方急換〉。軍方買陸貨，事前唔測試就公之於眾？台軍如此疏漏，陸軍萬一來攻，頂得幾耐？