220514六晚24°C 93%：北韓人道災難，中國任重道遠

中國歷經冬奧後，以疫情為由，放棄主辦明年足球亞洲盃決賽周。明智！

亞洲足球在各大洲裡排名榜末。粗略計，各大洲由高排起：歐、拉美、非、北美、亞（澳洲在地理上算亞洲）。亞洲只有日、韓、澳還能在國際上爭一席之地。辦亞洲杯老實講係雞肋。

正常時期主辦還可以俾面鄰國。試過冬奧就知道，要嚴格防疫絕對攞苦離辛，也不討好外國的來客。後者絕大多數慣咗西方主導的共存亦即放任政策，不欣賞中國防控咁認真。吃力不討好，中國終於直面現實。

今天的國際頭條，不用說是北韓終於狂爆：日增17.4.萬cases，以人均計，與香港第五波最高峰日增7.9萬同級。但走勢咁癲，最終人均多數會超過香港。

更麻煩的是：北韓2,600萬人，幾乎冇人曾染疫、打過疫苗，亦即幾乎冇人有抗體。過去24小時，疫歿21人。但唔係黑心，照推斷，高峰期怕日歿千人，頭尾可能一兩個月先緩和。北韓少說也有百萬長者，到時只怕尸橫遍野。

同樣棘手的是：北韓此前一直拒絕在抗疫上接受外援，連中國疫苗都唔受。但如今在所難免，否則無疑逼國人上絕路。

中國作為頭號盟友，封控經驗豐富，任重道遠。除了經中朝鐵路，趕運千噸計的測試劑、疫苗、藥物、器材，恐怕還要派遣萬計的建築、工程、封控、醫護人員入朝，重演1950年的抗美援朝。而家好在係夏天，換咗嚴冬，北韓經常-30℃，國人除咗出身東北既，會好難頂。

新聞裏金正恩為疫情主持政治局會議時，手指還夾住支煙。