220101六午19°C 71%：Times Square: To hell with Omicron

昨日間做了事，去他的倒數，改為今午1點看紐約市的直播。

Times Square一如往年逼爆，且少人帶口罩。電視台邊直播萬人嘉年華，邊為防疫交差。但台下踩你都傻。

踏入2022後，NYC的電視台繼續直播演唱會/rave party。可能是移到室內，但除了有人戴口罩，狂歡如常，不覺得心情受制約。

不用說，下周中起，紐約市和四周的新澤西州、康州確診有排飆。我估美國1月底日確有可能去到200萬，到4月死亡會突破百萬。

但一切都已預咗。這就是美歐的無奈：明知倒數必爆，但限於習俗，眾意難違，只能眼開眼閉，事後再執生。苦的是醫護和國庫。埋單怕以百億計。

但看Times Square的場面，紐約人並非苦中作樂，而是放開懷抱，報復性地享受。就像西方戲劇，勇士當面defy死神：You bastard. Come get me. 對於百萬計勇敢的美國人，只怕死神也冇符。

當然，美國人當疫情冇到，也因為病情輕。或因藥物有效，過去一年已不再聽說，爆疫初期逼爆ICU、冇地方停屍。何況omicron似乎更輕過原來的病毒，症狀可能不比感冒重，據說至今只死了一個人。反過來，死亡率若像ebola的七成，甚至打對折三成，我唔信紐約人敢逼爆Times Square。

所以，世間事有好多係無奈既。明知唔啱，但積非成是，只好當作人生求快樂的代價。只不過，西方人要求的自由度大，追求instant gratification，博他一博，過後再說。這與性其實是一樣的：唔用套，事前就知道後果，但箭在弦上，過完癮先算。

東方人相反，遇事先念後果。因此同樣的疫情，東vs西的反應差天同地。在港99.5%人依法戴口罩。偶見有人不戴，十有九係白人，第十個係南亞人。華人連通常冷對政府既青少年都好少defy。