220114五17°C 83%：過年食自己！

本地確診一隻手數嗮至今已兩週，今日更少過昨日。但防疫繼續收緊：冇花市，團年飯要食自己。

特首看來決心儘快看齊內地，既加快實現通關，也迎接3月的選舉。

但受落者稀。些少補貼點抵償花圃、食肆、美容…年度的好市？更得罪百萬計但求開心過年的市民。零容忍雖可減輕醫護的壓力，但醫護本身與政府不合，對這點好處會領情？

最終怕只有幾位純從科學出發的專家會Like。

這樣說純屬以事論事，與特首選舉無關。不怕說，我對鬆、緊沒有偏好，多少明白這兩條對立的路線各有前因。我個人相信：謀事在人，成事在天，先戴口罩、打足針、避開不安心的場合。但若咁仍然中招、要入ICU，我信係命。自問有咁上下歲數，殺到離就食。到時，我估上天會收留我既。

因此，你嚴到好似上面，強檢隔離，封區派餸，我估我都跟得上。鬆到好似美歐，人人唔戴罩、條條fing，我也會自求多福，最多兜路行，避開高風險場合（喺美國，千祈唔好用華人既觀點勸的白人黑人帶罩之類，否則打死冇得賠）。

當然，咁絕對係冇原則、冇理念…。但我首先要照顧既係自己既健康同安全。好似個賣藥廣告話：保持健康係對家人最好既承諾。你有事，無形中為家人增添麻煩。

日人有一種文化習慣：最怕為附近的人添麻煩。例如：係街跌嘢，麻煩路人幫手搵；扑親麻煩旁人打999、醫護趕離救助…。我比較欣賞呢種哲學，但明白新一代港人相反，覺得公民社會，自己有事，旁人出手相助理所當然。因此，我地的後生敢作敢為，萬一出事，等社會執生。我只能說，good luck啦！