220118二晚：Defcon（注）突惡化為2

疫情defcon突然由過去大半個月的4飆上2。虎年派利市怕要靠電子！

1.本地確診破10，較昨倍增。分a.巴裔和b.寵物店2條線。a線或較易track down；b線接觸者多、活動範圍大，難追蹤，難免有非常規的傳播。

2.懷疑有輸入的倉鼠傳人，全球首見。

寵物店的倉鼠等小寵物雖然因而要人道處理，感染其他寵物的可能性唔大。但萬一發現，可能有成百萬寵物主死俾你睇。港人近年愛心爆棚，不乏貓癡狗癡，點肯交由當局處理？反過來會有大量棄養，增加公衛風險。

但我相信，defcon唔會再上1。客觀看，今後10日，升佔8成，落佔2成，本地確可能飆到30。但只要我地盡人事，自然界會有均衡，唔至於失控。但林鄭有運。上週突然鐵腕，係人都媽，點知而家賭贏咗。

真正令人擔憂既係京城。月來，日確一直過百，爆疫2年來首見。靠以往的封區、強檢壓不下去。而且這次問題不在雲南、黑龍江等邊境，由外國帶入，而是河南、河北等中原地區，人口、經貿的流動>>邊境，難控制得多。

反過來，千計冬奧選手、助手...來自與病毒共存的西方。當地寬鬆，難免有人帶毒。只要有1人入境檢測時漏網，接著2周入住冬奧營，就可能累通街。

同期內，除咗冬奧，原來仲有中共十六中全會，接著係二十大，出席的都係領導人。有1個受影響都唔得掂（至今未聽說，中國有哪位領導人打了疫苗？打哪一種？打了幾針？有何反應？）。

更不要說，春運人次以億計，點可能完全冇感染者漏網？

Well，內地的defcon，或者係3 going onto 2.

但會吉人天相既！中國人自古夠韌力、夠努力、識走位，漢人更係全球最多，必化險為夷。雖然，代價可能很大。

注：def=defense, con=condition，美國安戒備級別，由安到危依次係5,4,3,2,1，數值越小越危，1=核戰邊緣)