o毒昨借葵涌邨狂飆：本地確125，其中4無厘頭（亦即或有4條隱形傳播鏈），加上初確過百。明本地確接近200都唔奇。
葵涌邨禁足5日的大廈更由1棟增至2棟。03年沙士以來，疫廈只係單棟，居民幾百一千。呢次牽連十棟八棟，每棟2、3千人。單單圍封強檢都有排搞，居間難免有走漏、爭議、complain。一些記者在政治上谷住肚氣，容易做大民怨。
大專家話，初四鬆綁可以死心，呢輪至少要2個月先收皮。咁從好既角度睇，清明拜山或者唔使再限一家4人！
既然打3針都只能防重症、不足以防感染，只能好似大專家話齋：借o毒傳播勁但殺傷弱既勢，等大量人中招，病愈後體內生成抗體。加上打針產生抗體的幾成人，兩類人合計達8-9成，接著個年可望群體免疫/herd immunity。至於長遠，就好似流感咁，每年打一次針啦！
隨著o瘋傳，抗疫中式零容忍vs西式與毒共存的鬥爭加劇。西方關係人以抗疫過嚴影響經濟、缺外來人才、有損國際化為由，力促縮短由國外回港的21日隔離期，方便他們往來祖家。反之，內地關係人要求抗疫加辣趕上內地，不再延誤對內通關。香港政治上已全然歸屬中央，經濟上也日漸靠內多過靠外，而且可能早就開始在全球招攬內地背景的人才來港代替西方派，唔係咁驚。
現只怕內地派急於與上看齊，做法過火。例如：要上面派人來港支援全民強檢，令人想到分區隔離、軍警佈防。外媒勢必大叫：軍管、一國一制。
西派與內派壁壘分明，加上國際上中西對立，特區限於權限，無法協調。但中方年來強調進一步對外開放，或有辦法對待香港西方派的要求。
沒有留言:
張貼留言