220106四晚20°C 81%：百人貴宴點計數？

 林鄭昨一日間反轉形勢，自稱〈行動要快狠〉。係既，絕對值得自豪。

無奈阿o太飄忽，呢個第5波既戲劇性，令上一波既跳舞群組恍如小兒科。

先是食肆組隔牆都中招，接著維園‘空母’上演多頭‘穿雲箭’，進而今日傳出‘關係人數仍在發展中的’貴宴‘組：上百名新時代俊彥歡聚慶生。

以往違反群聚既多數係的無知靚。今次係大灣區既領航人，香港今後開大開細，就睇佢地！借用董生名言：佢地好，我地好；我地好，佢地更好！

好在阿o病情輕。即便多人中招，可能也只係訓幾日，冇乜後遺症。問題係若多位領導人唔番得工，只怕拖慢社會進程，令疫情雪上加霜。

再說，內地對病毒“零容忍“。落實到地方，誰走漏疫情，誰就走佬，無論係此前毗鄰緬甸既雲南小鎮、東北接近俄羅斯的地區，都是如此。

香港進入新時代後，肯定要拉近與內地的差距，在不久的將來與內地基本一致，否則何以一國。

若此，香港呢次如何在抗疫與發展之間求取均衡，頗費周章。還望上頭幫忙費神。