220122六晚18°C 85%：港終於虛足破戒

昨本博撞大板：剛說當局唔敢禁足，葵涌邨逸葵樓當晚就創造了歷史：2,700人5日唔出得門口。

居民固然辛苦，政府後勤也要努力，確保大家及時有飯、有藥。講到底，呢2,700人係為全港750萬人捱義氣。我地要鞠躬多謝佢地。

隔離酒店住客A->巴裔女住客B->回家傳俾丈夫C->C去屋邨拾荒傳俾清潔工友D->D係屋邨走動工作傳俾居民n個E..->n個E返工傳俾同事n個F->n個F再傳俾親友….沒完沒了！

真正反映形勢嚴峻的是：今日26宗確診幾乎100%係本地，唔係外人帶入，係關口就截住，而係喺本地，你傳俾我，我傳俾佢，內地所謂“內循環“。而且，其中有3個無厘頭，不排除另有3條隱蔽的傳播鏈。

o既第五波發展至此，感覺上（我冇統計數據）已超越δ既第四波。能唔能夠在10日內煞住升勢，好考驗當局和港人處事既功力。

我講過唔止一次：港人唔擅長危急既動員、應變、壯士斷臂，因為長期無風無浪，也冇軍隊。也唔似日本人，因為慣咗有地震，從幼稚園起就年年演習走地震。港人從小養成台灣所謂的大安主義。而家先至離學，係好辛苦。只能以勤補拙，有錯要包容，彼此諒解。

香港會否因禍得福？見過鬼怕黑，唔想禁足，不如死死氣氣去捱針。You bet.

至於京城，沒有惡化，但也下不來。適逢春運（來往奔波的人過億）+冬奧（幾千名難管的西方人），o毒仍佔上風。逆水行舟，同志們，辛苦了！