220115六晚19°C 84%：輪到建制頭痛

今本地確診2宗，而且都有源頭，後市看好。但過年前，有可能因為人人迫年貨而反彈。

疫情趨緩，終有機會回顧點政治。

月前估：中央的核心今年若然連任，港19年以來的街頭案會爭取在兩會前了結。如今看已七七八八：中大、上環、理工等大案都已定。餘下有些好像2月再審，應會在3月初之前完成吧？

唯一未能及時落幕的或只有12走青案。頭一年歸深圳管，港接手較遲。

呢千人定讞1年-9年不等。再過2年新社會穩定、往事漸遠，對呢班人或有不同的考慮，以配合香港‘融入’深圳的新發展。

反派出局後，百姓食飯食粥就看建制。前者長年霸住舞台，建制靠邊站，對市民顯得陌生。而家升做主角，加上疫情持續，百萬人叫苦，必須儘快攞出成績。如果2-3個月都幫唔到手，市民就會反面。個時怕又要上邊用優惠政策離安撫。

建制裏肯定有能人，但在反派當道期間，予人唔起眼，冇理念、創意，俗品既感覺。以致反派雖然係唔係都反，但憑口才、出位、演技，反而成咗Mirror。

最近200幾權貴既‘洪門宴’雖然無關政治能耐，但正當Omicron scare，搞單咁既嘢出黎，主角仲手攬美女高歌，點會唔俾人‘州官放火’既聯想？（而家英國首相唔係因為同樣既理由，俾黨友逼宮囉。）係裏面坐緊個班人肯定偷笑：呢班人就係咁既料！

建制任重道遠。但而家市民demanding兼性急，要佢地收聲好唔容易。