220116日晚19°C 83%：祖高域vs澳洲政府攞離搞

本地確診變化不大。但有1宗無厘頭，而且大專家估，用作隔離的酒店有垂直傳播。今後幾日若持續上升，要準備過病虎年。

但港同日大喜。第一個贏得奧運金牌的港人是英治末年的風后李麗珊。如今回歸後，劍神張家朗更進一步：半年內囊括奧運和世界冠軍。今年適逢中央和香港換屆再出發，有人會視為吉兆。

但同日外圍不寧。頭條係冇打針既網球一哥喺澳洲打輸官司，不但冇得打澳網，刷新Grand Slam記錄，更被押去機場遞解出境，認真羞辱。

澳洲此舉據說與國內抗疫與選舉有關。我少睇網球，懶得跟，感覺上雙方都無謂。祖高域既事業係全世界飛參賽，打針當交簽證費囉，唔使信疫苗架？反過來，澳洲話就話法律尊嚴，但對咁特殊既人物，私下大可講數，例如：1. 個人與助手在澳期間要嚴守防疫規定，否則隨時取消資格；2.捐出x成獎金俾澳洲買疫苗...。等全世界既球迷有波睇。好心啦！

好在四大網賽唔喺‘零容忍’既中國打，否則中國仲頭痛。

今日外圍既突發係太平洋正中既小島國湯加爆火山。雖冇傷亡，但有印尼海嘯在先，驚動太平洋沿岸島國。日本一些小島甚至要疏散沿海居民。

國際上真正厲害既係：俄羅斯與北約談國安不歡而散。但俄國願意再談，亦即無意打真軍。但反過來，美國說俄羅斯派人潛入烏克蘭，準備襲擊當地的俄軍，作為侵烏的藉口。大帝無疑強悍，但會否離譜到咁？

美歐vs俄目前圍繞1.烏克蘭，2.立陶宛劍拔弩張。我沒有細看。應不至於開火，但緊張到不亞於年前針對中國。是否對華與俄輪流出招，等3月底北京開完兩會，再番轉頭X中國？

今天的好消息是：以俄為首派去哈薩克的維和部隊平亂結束，開始回國。看視頻，政府大樓有兩層火光熊熊，係搞得好傑。牛頓第三定律：Action =Reaction(反方向)，現實係出兵格殺勿論。官方說死了200多人。實數怕更多。

呢次睇哈薩克新聞，除咗暴力犀利，印象最深的係總理（定總統）成個漢人/華人咁樣。中亞民族大都似白人，次之係黃種的蒙族，但輪廓與漢人一睇就唔同。