昨清晨低見14.3℃，入冬最低，而且幾乎全日灰暗。但今即回暖，清晨17℃，陽光普照，午間更高達22℃。
美國連日有奇聞：
1.本週四係美國一年一度僅次於聖誕既Thanksgiving，老華僑俗稱火雞解。接著一個月後就係聖誕、新年。或因此，近日三藩市類似銅鑼灣崇光前黃金地段既Union Square，連日有人群起進入名店名副其實‘掃貨’。注意係：a.連日，非一次過既偶發事件；b.前後多達幾十人，但每人獨立作案，並非犯罪組織。
我起初以為的𡃁借節日起哄。原來加州有法：盜竊<900美元可不起訴。換言之，你可以行入店鋪，叫店員攞件899.99美元既貨俾你睇，轉身袋落袋行出門。美國話齋，You are free to Go！
可惜由三藩市番香港要隔離21日，酒店錢都唔止900美元，否則不妨去行下，趁機換個iPhone 13。先攞走個899.99美元既，然後番轉頭補400，換個Max。
2.日前美國中西部北面州份Wisconsin（簡稱威州）既Waukesha市按傳統有聖誕巡遊。有人揸SUV衝入遊行隊伍‘打保齡’，死6人傷近50。事後一名梳小辮子的黑人男子被捕。初步調查後稱：非恐怖襲擊。係美國既context，大概指私人問題，包括活得不開心、有人得罪佢、精神異常…。
由此看，按美國定義，恐怖襲擊大概限於針對公權的行為。此人並非反政府，而只係反個人或者社會。
但對受害人來說，揸車無差別地撞埋離絕對 ‘恐怖’，管他是否針對政府。呢種法律定義無疑教條。
但此案很富象徵性。本博講過：美國人由開國精神延續下來兩大文化象徵：槍&自用車。
槍係憲法明文保障既個人自衛權。有人走近你，來意不明。你有權抽出手槍喝止：Stop!對方若還不停步，你感到威脅，開槍回應。陪審多數會同情。
車則是美國由開國至今的個人自由象徵，美國人早期騎馬往來，唔識騎馬等於跛腳。上世紀初發明汽車取代馬，美國人如虎添翼。加上美國富甲天下，好快就係人都有車。滿17歲考個車牌，人人都可以在大如中國的國土上縱橫無阻（美國冇戶口、州居留權，全國各地任你搬遷，無須通知政府）。
因此，擁槍自衛與駕車縱橫全國的兩大自由，美國人誓死維護。
但美國以往的慘案十有九來自槍。今日終於輪到自用車。美國人兩大自由象徵都獲得了充分的發揮，不再厚此薄彼！
3.Joe Biden以79歲成為美國史上年事最高的總統後，決定3年後尋求連任。亦即如果成功，打算做到86歲。可惜我冇票，否則身為中齡長者，一定支持自己人。至少Biden生會領會到老人之苦，起多的全天候照顧既senior home。
不過，他上任至今10個月，不止一次被話係鏡頭前行為異常、唔記得講詞、叫錯人名…，係唔係捱得到3年後再宣誓呀？佢老過我，我都唔敢話自己3年後仲行得走得。但有美國總統作為榜樣，帶領全世界既老人再出發，話唔定，我都應該考慮參選明年3月既特首選舉。即使唔成功，都至少可以為長者爭取政治平權。
沒有留言:
張貼留言