昨小雪有寒意，黃昏更翻風，今年終於入冬。今晨按預報進一步落到15℃。
但正如友人說，香港每年只不過凍幾日（應指10℃上下）。15℃在西方只是秋天。下週相信又會回到20℃上下，西方的夏天。
下週12月起係建制既大時代。但政制大幅度完善後，市民幾無須參與，港語“煮到離就食”：
1. 聖誕新年將至，緊接著就過年。2年來一再懇求上面的“通關”終於成事，初期每日出入千人。可信會循序漸進，我估3月前，配合港選特首和北京兩會，會日增至3,000，但仍然主要係探親、公務。怕年中先會日增至5,000。到時或有小量遊客，港人開始感受到impact。
2. 12.19號立會換屆選舉。總議席增加，但直選比例大減+泛民出局，純屬建制內部的非“魷魚遊戲”，參選人十有九市民唔識，即便識也冇票可挺。按毛主席定下的~5% rule，大概會留4席俾非建制，為議事殿堂留點雜音。
但看街頭的助選陣勢與路人的反應可知，這次政制落重手改得太完善，面對近年的逆反氣氛，為求首屆的新制選舉好好睇睇，可信有人密密地落咗唔少工夫：幫建制參選者和諧協作，請合格的非建制參戰。但後一類人只有三幾丁，且已半退隱，淺黃選民怕寧可棄權，要靠建制配票來過關。有權威估直選投票率3成，相信主要係藍營可動員的票數。
建制以往俾人既感覺係能力不強、識見不廣、理念不高。入主立會後，怕辛苦了上面：要隨時把著手引領協調，以防出紕漏，俾記者、網民大炒來洩憤。
過年後的特首選舉基於制度，市民更只能旁觀。想激發啲好奇怕都唔容易。目前唯一既話題怕係：現任者會否晉升為國家領導人？期間，有人會捧這捧那，借勢來倒他們不Like的人，同時“Waiting for Godot”!
沒有留言:
張貼留言