211112五晚23°C 58%：呢個星期好開心

呢個星期好開心。週二到週五，每日晏晝行唔同既地區：粉嶺室內街市、中環核心地帶、荃灣海濱、太子站到深水埗站。

行街都值得開心，有人或嗤之以鼻。但到我呢個年紀，要有齊3個條件，方得以連行4日街：

健康：身體感覺良好，有力行幾個鐘；

天氣：金秋，陽光普照，但唔熱。香港户外既困擾唔係冬而係夏。

‘放假’：平時要番gym。一個月只有停gym個個禮拜先能夠連日出行。

希望明春停gym個個禮拜再接再厲。但要上主到時讓我有力行路，而且冇其他掛慮。

到時有其他掛慮也唔出奇。過去呢週，就有一位同窗離世。感覺上走得好突然。同窗群組裡，不久前還收到他自家花園引來彩雀飲水進食的留影。留言說，在兩大洲都有孫。疫情前與太太每年都為此越洋往來…。聖誕在即，歐美澳近日再度開放外人入境。可以想象，他們夫婦也可能準備再次‘起飛’。怎知….

所以，人生到此階段，健康不再是理所當然，每一天都要為此感恩。

不少港人聽過甚至唱過的內地電影插曲《血染的風采》不也說：

“也許我的眼睛 再不能睜開　你是否理解 我沉默的情懷？”

唱的是79年中國打越南士兵的感慨。但常人到了七老八十，也不能排除有這個可能。你說不定聽說過，有人在睡夢中離去--雖然概率可能只是幾千分之一。

因此，每天清晨醒來，感覺良好，我首先感恩：又多了一天，要好好的活。

至於我點解鍾意行市區，好簡單：香港既市容一向變得好快，我想睇下自己既城市點變者。

例如：今午由太子站沿大南街行去深水埗，就快到北河街時，有個block“文青化”，令我想起紐約80年代初既Soho。個度離我中學同大學時期既住處行路唔使10分鐘。