211103三晚25°C 75%：Finally…

211104午後補：昨看實時，以為第3針一律打復必泰/BNT。但今晨官員話，市民可揀復必泰或科興。原來，齊打復必泰只係官方專家既建議。官員果然政治正確：點能夠out走國貨！

211104晨後補：MP〈土耳其第三針研究：轉復必泰抗體升46倍 續打科興1.7倍〉

第3針終於等到了。遲上面同西方好幾個月，點解？

週五9AM起預約（官方網址），下週四起打。反應會唔會熱過頭2針？

唔怕講，唔明點解咁多長者至今唔打頭2針。後生都話‘反’啫，健康冇乜問題既老嘢怕乜？院舍住客大可以請晚輩代簽同意書。

有冇長者打完出事？梗會有啦！關鍵係成數。0.01%都唔得，要0.000%？咁等你發明，我打！

當然，又或者有人反過來：正因為港疫情相對輕，有人唔驚。再說即使中招，病情大都唔重。因為咁而唔打既人近似Trump派。

總之，各有前因莫羨人，大家good luck啦！

但我頭腦簡單，基本上跟大局。唔好話Covid-19，流感都打。費事感冒見醫生。

後日就預約，希望下週就近搞掂。