210830一晚29°C 83%：唔好想闖個心！

本地無新事，焦點睇國際。

疫情：確診繼續清一色輸入，而且幾乎一律1.打足2針；2.衰在δ。說明：即使BNT也防不了δ，只不過症狀輕，可以保命。

但上博前看到一則實時，可說今日最得人驚的疫聞：

〈南非全新變種病毒「C.1.2」擴散7國 突變率快2倍或更具傳染力〉。且看下回分解。

社運：陸續埋單、冚檔。曾經活躍者看來遲早避唔過。香港67年暴動後，太平咗50幾年，告暴動就已經好大件事。如今來了個國安法，告暴動已經好mild。May God have mercy啦！

殘奧：繼續走低，看來會延續到閉幕。對事前的euphoria，值得反思。

體育：喺美國、西歐係產業，可以賺錢，因為人地唔靠奧運獎牌開飯，另有割喉競爭性、高觀賞值既職業賽事來維持。美國有NBA籃球、MLB棒球、NFL美式足球，加拿大有國技冰棍球ice hockey；英國、西班牙、意大利等有足球，澳洲有橄欖球rugby。此外仲有網球、Grand Prix…。

香港出外攞獎既體育運動純屬興趣，即便本土人都唔會俾大錢終年捧場架！唔通叫張家朗、何詩蓓一年到頭巡迴全世界同人鬥離收錢乜？

香港絕對可以鼓勵體育運動，但要準備每年付出幾百億，當作維繫民心、社會維穩的代價。庫房開支還得另想辦法。唔好自欺欺人啦！