210818三晨晴30°C 73%：焦點立即由阿富汗轉到台海？

塔利班果然精咗，還未坐定就連出軟招，修補20年前的類IS形象：

禁入使館、恢復秩序、赦免曾「投敵」者、許諾伊斯蘭法下有女權、招女官…，甚至有戰士帶槍玩碰碰車出po…。我地同你地一樣，係正常人離架！

誰的橋？中國幕後做咗乜嘢？

塔利班是否真心改過，睇幾個月先知。目前西媒梗係繼續與其算舊數，反對者也自然大聲嗌「狼來了」以自保。

對華人來說，重要的是：阿富汗一轉手，解放軍就係台海周邊實兵演練，軍機接連係台灣西南航道巡遊，被指〈「包圍南台灣」 ，劍指美軍交通線〉（右圖取自MP，來自台灣官方）。

日前，台灣藍營借阿富汗被Biden「拋棄」來咒蔡英文：抱美國大腿就係咁下場！綠營自然話阿、台不可同日而語。

客觀上，綠營冇講錯。解放軍真來攻台，美國也未必保得住，但唔會裙拉褲甩。Biden放棄阿富汗，正係要集中軍力係東海與南海以圍中。英、法甚至德都幾十年來首次派軍艦離東亞以「示警」。

解放軍若可見的將來出兵，要準備應對西方甚至日本的軍事介入。日本既理由係確保與台灣半個鐘機程的領土沖繩安全。

台灣雖然不會回頭，但大陸要硬上弓，有很多考慮。