210822日晚30°C 74%：封關你Like，封本地都制？

剛過去這個週末陽光普照。

完全同意昨天的留言。這是香港百年来的uproot，市民要有充分的打算。而且，可信雙方都應如此。

記得當年江澤民對港記說：把問題想得透徹些（大意）。說白了，寧可諗得衰的，好過先樂觀後悔恨。

有網友說：市民想林鄭封城，而非抗拒。但這會否是指封關唔俾上面人落離？去年的確好多人為此採取工業行動。

但憎林鄭唔封關既市民是否同意同時封本土，好似歐洲、澳洲咁：市民冇事唔俾出街，全城坐居家監？

我講既封城係封關+封本地，唔係封上唔封下。

但反過來，我又可以理解，林鄭點解無論封關或封城都手軟：1為開飯；2局限於政治。

唔封城，因為疫情一來，香港淪為孤立既城邦，750萬人既生計名副其實攬炒。

西方絕少封死一城，附近多少有一二百公里的範圍可往來、流通。香港由南到北、由東到西約只有30公里，揸車一個鐘就落海。完全封關的話，750萬人唔困死都悶死。

唔止珠三角有十萬計既港人家室，全球化下，連冰島都有港人，好難唔俾人出入。

封本地唔俾出街，則零售服務業死絕。而家既政制以建制為主，後者實同林鄭死過。上頭重經濟，相信也會「從善如流」。香港若唔掂，最後可信仍要靠上頭放水，一盤數。

至於政治問題，香港自1841年以來，據說基於深圳河南北歷來的人員往來，與北京的默契是不能完全關閘。若此，香港而家作為中國地方，政治上就更難對上封關。

急切對上封關既「黃心」可以理解，但現實上並不實際。