李慧詩今午驚險晉級半準決賽。作爲香港本屆最後的獎牌希望，恐怕也是她本人最後的奧運，祝她明天好運。
中國的金牌繼續拋離第二位的美國。除了跳水、乒乓、羽球等傳統王牌，主要贏在舉重、射擊等身體不接觸、氣氛沉悶，西方人缺乏誘因參與的項目。你唔吼，我laap！這就是國家主導的優勢。
本屆東亞，日、台、港快樂韓國愁。日本盡數新增項目滑板的金牌，以第三位拋離俄、英、法、德等傳統勁旅。香港以一金兩銀開創新紀元。台灣除了女子舉重，更從大陸手中贏得一塊羽球金牌。但韓國只守住射箭，乒乓受壓於中國，此外乏善可陳。韓人偏激，難免遷怒一衆國手。
本屆加入西方人愛玩的滑板，下屆起取消東方傳統的空手道，感覺上，奧運多少仍偏重西方口味。空手道作爲搏擊，點都比玩花呻既滑板似運動的。
以中國的強制力都截唔住輸入的δ變種，可見全球已無淨土。香港更一再有人打完2針BNT後，歐遊回來照樣驗出δ。看來冇邊種疫苗頂得住。最多只係打完2針，病情會較輕。
爲此，發達地區傾向爲打完2針的高危族「溝」第3針。但看δ之惡，勿期望太高。最終可能還是要等專門針對變種的第二代疫苗。
但以科學推論，病毒係生物，時刻隨環境進化，變得更狡猾；反之，疫苗係死物，一產出就已定型。在實驗室研發時能對付個一刻既病毒。但幾個月後量產、出貨、注射時...，病毒又進化咗。除非能發明活性疫苗，注入人體後，也能視乎病毒而演進，否則人類永遠被病毒拖著走。
唔怕講，我唔識生物科技，上文只係斷估。人類應該冇咁渣。但日前確有媒體引述研究報告，擔心出現無法對付的變種。
謝留言。是的，我上周也忘了提《信報》創辦人林行止（筆名）先生放下48年來一周六日從未歇息的大塊園地。
香江健筆雖年事已高，但早唔停，晚唔停，此時來擱筆，可信是出於外因。
林生係我90年代一度既僱主，前後大約2年。而此前的80年代末期，我也曾爲目前身陷囹圄（ling2yu3）的黎智英打過大約半年工。當時他剛開始玩傳媒，創辦《壹週刊》，還未進到《蘋果日報》階段。離職是因爲唔適應佢既美式人事管理。
由《壹週刊》再推前大約15年，我既僱主係香江另一健筆李怡先生。李生最近這十幾二十年，係《蘋果》既專欄台柱，現在當然也隨之消失。
但將我與林生擱筆比，應該是不適用的。我只係上網發up風，與名媒既台柱，有如公衆球場既票友，與曼城/巴塞/PSG之別。何況我係意識流，念到乜講乜，冇中心，冇主題，純屬個人既記錄。再說，上博無錢銀關係，唔使按人要求交貨，一切自律。更重要的是，我自知唔喺咩料，冇理想，冇強烈的信仰，但求與人無尤。文以載道，爲民喉舌，是unbearable lightness of being。
咁呢個博會唔會「擱」起？會，只要1.健康不再容許；或者2.忽然冇咗心情。否則，就做一日和尚撞一日鐘。
Any way，你good luck，我good luck，大家都good luck..
沒有留言:
張貼留言