210801日晚29°C 87%：Who's to blame?

唔使睇何詩蓓就睇刑偵劇。《DCI Banks》(DCI=detective chief inspector，中文大概係刑偵總督察) 每個case 90m，標記係葬禮， “earth to earth, ashes to ashes, dust to dust”。

多謝網友提醒。的確，我時日無多。

講到時日，我外婆享年98。我只見過佢半日，就係佢98個年，阿媽帶我去廈門佢鄉下，外婆同族人分住既古老大屋。晨早香港觸發，抵達時已向午。外婆鄉下黑衫打扮，陽光下坐係櫈仔度讀《聖經》。見到我笑得好開心。晚飯時，佢食完先離席，叫我「jaa bao呀」，食飽呀！

我第日一早就同阿媽回港。記得番到港冇既耐，可能係同日，鄉下就來電，話外婆走咗。看來見到個孫係佢既心愿，達成咗就放低喇。

阿媽今年剛好98，入咗安老院應該有5年。疫情至今我冇見過佢，其他的家人也冇。最多係送的香蕉到門口，請人攞俾佢，方便生理循環。佢冇佢阿媽咁叻，也唔信教，近年基本上坐係直背既老人椅上度日，見到我都未必認得。

I think that’s life.我估我冇阿媽咁長壽，God willing，少則5年，多則10年。最大既願望係無痛苦、唔連累家人。

當然，這是我與的後生睇法唔同既原因。但即使我後生半個世紀，都唔會係憤青。性格使然，從來都唔buy激情。

有網友唔忿氣，問造成今日既局面，係邊個既責任？言下之意，對手逼佢地上梁山。

但以我睇，目前既死結係過去30、40年上下對頂，作用力和反作用力步步升級形成既惡性循環。民間既責任都唔小。

的確，要問問題既源頭，首先係上面：自第一日安排香港回歸，就只與英方傾，眼裡只有冰冷既憲制，冇有血肉既人。

50歲以上既人或者記得：中方打一開始就否決英方提出的「三腳凳」方案，只同英方傾，不接受香港/港人以任何形式，作爲第三方參與談判。理由好簡單：按大中華觀，港人係中國人，中華人民共和國係中國唯一合法政府，自動代表嗮我地，港人有想法可上京表達，在外交談判裏沒有角色。反過來，對中方來說，「三腳凳」亦即承認平民與國家平起平坐，變相搞獨立，點得了！

因此，以本土派看，港人從九七問題第一日起就冇聲音。

但中方認爲已透過後來的基本法起草、諮詢委員會…，給了港人機會表達。只不過對本土派來說，這些組織本質上親京，非民選，不能代表他們。

但反過來，中方也不會承認，港人歷經150年的英治，目睹內地將近一個世紀的戰亂、政爭...，其中很多係49年後南下的流亡者，內心可能覺得，近英國人比近中國要放心。

說白了，嬰兒被強盜擄走後撫養成人，成年後習慣了強盜養父，對生父反而覺得陌生甚至擔心，人世間確有這種悲劇。但千年來的天朝上國，世上唯一從未中斷的文明，又點會承認親生子唔想相認？

但又不能不承認，北京縱使否定很多港人內心的意願，但看六四即可知，由80年代中到回歸頭幾年，他們算是壓住氣，容忍港人的反叛。

無奈港人凡事去到盡。習慣了無所顧忌的自由，只要港英唔出聲，就以爲可沒遮攔。但上面看在眼裡，記在心裡，相信還備在案裏，靜待時機來收拾。

港人令自己與上面無法共容的是，自80年代起就擺明要「民主抗共」。爭取普選權，主要不是爲管好香港，而是相信：只要人人有選票，就必投俾反共既人。香港即便名義上回歸，但由反共的人管治，是大陸邊上的西式華人樂土。

若此，上面又怎可能接受，給名下的城市普選權，目的是讓其百姓來反對自己，de facto地獨立？

所以從你講明「民主抗共」個一刻起，遊戲就已破局。只不過當時上面忍住條氣唔maak面。後來你進到無事不反，要獨立，求西方支持，上街打游擊，打砸其視爲大國威嚴的旗徽。佢從大中華觀出發，作爲全世界最大最強既政黨，點落得台？自去年國安法起，empire strikes back，要十倍奉還。

所以，年來大報、工會、政黨…的清場，應陸續有來。而且可能會像毛澤東說，矯枉必須過正，先去到盡，甚至寧可過火，然後才讓鐘擺慢慢蕩回一些。

當然，這只是我天馬行空。希望冇句真。

夜了，去訓。