210812四晚29°C 79%：教協會唔摺？

港人最關心的當然係1.9萬會員的教協摺唔摺？2.會唔會被算舊數？

斷估：1.摺梗。所謂會員唔夠票通過只係「民氣」。唔忿氣可以理解。但港人明事理，點會死撐，逼一眾理事孭官司坐監？

2. 官媒「惡」，或係以高姿態要會眾識do，以防唔肯摺，逼當局硬來。

只要看有人以教聯為本，新設多個教師工會，就知想學港英70年代「吸納」社運分子、壓力團體，收編部分教協會員。不用說，加入教聯的姐妹工會，在愛國成為教師就職、升遷的當然條件下，會比較有利，至少唔使security check。

若此，只要教協願解散，會眾低調離去，應不會大肆追究，拉人坐監—除非其中有人涉及社運事件。

美國年來步步進逼，但中方回話都很軟，完全沒有昔日「一切後果唯對方是問」的豪氣。剛抵美的新任大使更即時恭喜美國榮升東奧金牌榜首。其實，中國的金牌數本來一直領先美國，閉幕日下午才被超前，內心肯定不好過，但大使仍表示風度。由此看，中方無意與美硬碰，寧可養晦。

若此，在港也不會逼得太紧。國安大局必須扭轉，但會保留safety valve。說到底，北京深知港建制有幾多料，單靠佢地管唔掂750萬人。騰籠換鳥起碼還要5年，期間內仍須緩和主流的敵意。

最後還是那句，以上純屬天馬行空，冇任何根據，無須當真。