上了以下的一段後，看到即時報道：今午李慧詩出戰時，觀塘商場的圓環由上到下塞得水洩不通。由此想到，明晨李慧詩決戰後，係商場觀戰既市民，一齊就地歎番個早餐。商場為我地提供了呢個“同心圓”，即便出於商業目的，人家也是要開飯的，尤其是小食肆和他們的員工。我地開心完，也講句多謝，反正有的是消費券。我們的社會需要這種mutual appreciation。
今晚不博了，但要給李慧詩一個tribute。我沒看視頻，只看文字報道，已感覺到她今午連衝連勝幾場的勞苦和毅力，值得我們致敬。希望年輕的一代能以此為榜樣，在各自的路上堅持前行，不驕不怠。
希望李慧詩今晚休息好，明天繼續努力。無論結果如何，全港都會接受，與妳同行。
今午後補：近年係CBA落腳既美國前NBA球星Jerry林書豪，日前由三藩市飛抵上海準備落戶。在美時已打了針，點知隔離期間確診，要入院。幸虧屬輕症，以運動員的體格，相信很快就會康復，應冇後遺症（記得去年有運動員中招康復後，體能無法恢復）。
昨午Live睇李慧詩連鬥幾場「爭先/Madison」，旁觀都登佢辛苦。希望佢今午好運。這應該是她最後一屆奧運了。
成日講好運，好似貶低港人既能力同意志。冇法，我係過時既人，接受唔到而家流行既唯意志論。始終相信，去到最高既層次，上唔上到頂，除咗能力和意志，難免要有的巧合。
例如一衆頂尖高手既場地單車賽，千鈞一髮之間，最勁個一兩人俾隔離high到甚至被foul。咁啱益咗你，你就得米；益咗隔離，你就衰咗。無論賽前定下既戰略幾絕，到時都out嗮。
日前話δ（delta）變種（始自印度）肆虐，全球已無淨土。撞啱咗：
1.全球針率最高的以色列近月發現，由於δ毒株逐月攀升，Pfizer（即BNT=復必泰）的有效率逐月遞減，現已降至39%即四成。言下之意，今後仲會繼續減弱。
我都係打BNT，咁係唔係話：我仍有六成可能中招？我唔介意溝第3針。但如果淨得科興，要念過先。
2.白宮首席防疫顧問Anthony Fauci 說，確診δ（第4種變種）的病毒載量比第1種變種α（英倫變種）原始病毒株的病患高約1,000倍。呢位老醫生雖然被上任老細Trump當衆媽，多次想炒佢，但睇樣都係老實人，唔喺政客，唔至於亂作。1,000倍，難以想象，怪唔得冇疫苗頂得住。
3.紐約市抗疫在美國已算好努力，去年硬把疫情壓下去。但而家來咗δ，又再爆過，確診病例83%都係δ。出入頻繁的世界金融之都又再「高危」。
Dr. Fauci擔心，δ後萬一再來個ε（epsilon，希臘文第5個字母，相當於英文e），會唔會全人類無法可施？
的確，如果δ =1,000倍，ε = 10,000倍甚至1,000 x 1,000倍=1,000,000倍，咁就真喺世界末日。
不過，相信上天有好生之德，自然界也會有自然的制衡，到時會有解既。祈求上蒼啦！
The Lord is my shepherd…I shall have no fear...
2 則留言:
其實任何選手講到爭獎牌都要靠少少運，只是大國「注碼」（可以出賽爭勝的選手）比較多而已。
謝謝崔生的簡短撮要，提醒了我們身體都要作最好的準備，大家保重!
張貼留言