210805四午後陰28°C 88%：突然驚青，癡呆前兆？

今日港喜袋2銅。朝早，女乒團從有2名前中國國手的德國手中奪得銅牌。今午，李慧詩凱林賽得第8。今晚，空手道個人表演（非對打）女將劉慕裳得銅。

美國東岸的大學城Princeton，史家余英時離世，享年91。學術不論，一般人記得他，大概係當年幫六四流亡者落戶，在當地形成了社區。

我也由此記起一位在Princeton東亞部門服務至退休，前幾年在當地離世的同窗。九七後，他曾短期回港母校工作。

還有Princeton來自香港的諾獎得主崔琦Daniel Tsui。今年當有80，相信是就地退休吧。Best wishes.

2月中開打疫苗，至今半年才打了一半人。

中青唔打，我估主要係civil disobedience。就如唔裝「安心出行」，係都寫紙，逼當局收集後輸入電腦，掛一漏萬。

但院舍長者唔打，除咗怕捱唔住副作用，仲有乜理由？

我都唔知阿媽有冇打。但98歲，打唔打都冇所謂啦！

全球連中、俄都唔敢強制國民打針。目前的確係後現代意識的世界。這股風還要多久才會往回擺，重訂個人意志vs集體福祉的均衡？

消費券熱，我冷。唔係嫌錢腥，而係本來唔怕電腦既我，被排山倒海既「資訊」嚇窒，唔敢登記。想搵後生幫，又撞著要入廠，一拖就過咗第一期，要下個月先有份。到時首先係配眼鏡。而家個對，眼托甩咗成年。

次之怕要換電腦。而家部Asus係Amazon買既，mon開始花，不時down機，只怕突然死。性價比好，牌子唔改，但用消費券自然要就地買。

我同樣患上恐懼症既係打疫苗抽獎，至今冇抽樓，更遑論其他送乜送物。最好由商戶將禮品交給公益機構，由後者用所有2針人既電郵抽籤，中咗通知我，咁就最理想。