151021三晨：港過年前旺區都會很鬆動

   首見內地客在港因購物糾紛被打死，內媒廣泛報道，有人叫「珍惜生命，遠離香港」，國旅局責成港查明原因。這怎麼說都是頭版頭，AD有理。對手用長命事件《鉛水聆訊》做頭，顯欲壓低中港矛盾。
   涉嫌傷人的是本港持牌導遊和內地領隊，並非商店職員。事件首次暴露有人僱用「影子團友」做媒促其他團友購物。
   此事的趕客效果數倍於鳩嗚，過年前自由行都將大減。港無須招客了，疊起心水做本地生意啦。本土/城邦也暫時冇得揮。
   講到本土，主打城邦論的「中出羊子」(網名昭明公主)以「香港建國」為政綱參選區會，成功上了大報。由其政綱、大號看，這類後生可能知道不會當選，純為譁眾出名，在圈子裡威。社會富裕，中產家庭都輸得起區選經費，等於很多年輕人「創業」純為過癮、履歷好看，預咗蝕哂。
   講起自由行對生活的影響。以前不時去佐敦的澳洲牛奶食炒蛋多士奶茶。但近年路過人龍有兩三間鋪長。我對食無所謂，慣例「逢排不入」(陪家人除外)，故應有兩年未再入去。月前與遠方稀客約在附近晚餐，路過時見門口冇龍、內裡更有空位，決抽空光顧，看質素有變否。但不只一次經過，都適逢其週四休息，昨午方如願。
   下午2點鬆的，門口冇龍，但午餐未過，只餘個別空位，伙計點我擠進夾在幾張桌子中間的「單」位。沒想到招呼我的是幾年前見慣的「鄭君綿」。幾十年功力，又快又定，我諗食乜都冇佢落單咁快。但更快的是上菜，離落單唔多過3秒。中國人最啱，西方/日本人昏倒。除了伙計，炒蛋也仍然咁滑。惜奶茶稍遜。茶餐埋單38元，已不記得兩三年前是多少。