200228五晚21°C 81%：好心用下腦

   清晨陰雲有風，太陽出來後竟又好天。
   晨運完閱報，即傳來黎、李、楊被捕。
   近日港鐵、警署...都再見勇武式進擊。一衆忍者大概悶到慌，急不及待，只等疫情緩和就接住上。黎李楊案正好多個理由。
   
   睇南韓國情，繼續爆係預咗。最終話唔定近萬。
   真正有趣既係意大利，似乎係人出國都播到種。Ma Ma Mia!
   伊朗則專責伊斯蘭世界。
   更沒想到的是：伊朗女副總統、意大利衛福高官都中招。說明這些國家的高官平民化還是防疫欠佳？
   內地一味唱好，更似乎藉助鍾南山在境外的公信力。但源頭即非中國又如何？客觀上是看誰的散播力最大。這幾乎肯定係中國！南韓、意大利、伊朗後來居上的可能性應該不大。

   至於派一萬，黃絲點會諗用拒收來換取警隊唔加薪唔加人？呢個遊戲涉及700萬人。就算七成人反修例，在750萬人裏也只佔500萬。換言之，你逼其餘個200萬人各嘔1萬來支持你。有冇腦架？
   即使反修例嗰500萬人，也唔可能都願意放棄嗰1萬。有人可能真係有需要，有人可能唔忿氣...總之，點能逼所有人放棄。
   好心啦！鬥到闖心啦！
   再咁落去，只會自取其辱。
   我個人根本反對派錢，應用於長遠既民生措施。但既然佢係都要咁，唔係諗辦法，使咗佢囉。使乜咁戇居啫？