200208六晚17°C 73%：你「制」我唔「制」

    家居隔離首日既林鄭記招，好過擒日既隔離前既預報，至少具體、有力的。
    但我唔信自律+懲罰足以封殺病毒。
    唔強制，理由係：入境既人感染風險低。
    但武肺傳染力咁強，香港通街都係人，只要有一個帶菌者偷雞，連鎖反應就好長。上週台灣電視都話，當地的隔離者將官方提供既定位手機留係屋企，自己偷落街。
   要港人做到日人咁守法，怕唔容易。何況居間仲有敢作敢爲既內地人。裏邊連做官既都敢截劫人地省市既防疫口罩（好似梁山英雄劫生辰綱），你信香港冇隔離既內地人會偷雞？
   冇場地集中隔離可理解。但要受隔離人自己入住酒店，無邏輯可言。
   1.除非港府能證明，內地人啓程來港之前，就已收到港方隔離的通告，自願來接受隔離，否則法律上有得拗：我原本只係離過兩晚，而家俾你逼我住兩週，期間三餐焗住係酒店食，過萬開銷，我冇錢，你俾呀！
   2. 住客係酒店既顧客，顧客永遠是對的。員工冇公權力，只能對唔聽話既隔離客打躬作揖，好難做。除非每間酒店24小時派警員守住前後門。
   3. 其他住客知道酒店有隔離客，仲唔退房？酒店只要入過一個隔離客，怕就冇他人光顧，最後變成隔離營。
   總之，危難時期，只能集中強制。
港官死都話自律，係怕俾人鬧專制，也唔想做咁多嘢。香港管治既另一種死症。