好消息：港郵輪解禁，3千多乘客船員可回家。
壞消息：首個大家庭感染，少則8-9人，多則19人。而且病源不明、發病後多日方確知，傳播鏈或很長。
至於當局說暫未見有居家隔離者違例，廢話。總數468人，抽查率咁低，邊會第一日就中獎。單看機會率，完成整個程序，怕也只係檢控一兩個。有幾多人次偷雞邊個知。
武肺既傳染力確好勁。19人打邊爐，至今已知過半人呈陽性。日本郵輪乘客一般同船不過兩三日，已成爲一個封閉場所最多人感染既案例（大概除咗武漢醫院）。但日人辦事超認真，相信會left no stone unturned。
昨最惹國際目光既係：武漢死者首見外國人，一美一日。既說明武漢確是world city，也令武肺更受外國關注。
中方縱堅稱抗疫有效，力斥西方危言聳聽，尤其憎美國。但各國持續撤僑，連非洲都不例外。換咗你決策，怕都唔會bet。
這次國際社會唯世衛在總幹事帶領下力挺。雖然聽佢講嘢幾肉麻，但真係唔話得。譚生他日退休，務必要來華做外國專家既頭。患難見真情，中國絕對唔會虧待朋友。
對李光亮的關注一日就突然急退。有人發功？
反過來，美國華人怒吼。Wall Street Journal2月3日刊登Walter Mead既評論，大鬧《China is the Sick Man of Asia》。
我而家好少睇內文，不論啱唔啱聽。我只track輿論風向，睇政治，唔係做記者，don't care about technicalities.
以這個角度看，我覺得WSJ同呢條友係特登激中共。
而家21世紀咁左，冇人敢公開用”東亞病夫“咁極端既詞，正如美國冇人咁公開叫黑人nigger、華人Chink。"東亞病夫"呢個詞，即使二戰後都唔會出現係西方既權威媒體上。呢次係刻意製造事件。原因who knows。
WSJ/Mead肯定預咗中方、美華會發惡，也爲其在華的採訪做了打算。中方唔鬧冇法子交差，但華人太激反而嗮氣。WSJ作爲財經報，慣性偏右。與日本既產經新聞偏右（相對朝日新聞偏左，美國則NYT偏自由派。美國媒體一向有右冇左。所謂左只係自由派，但其實可以好反中國），係同樣的道理。
你如果義憤填膺，又係美國公民，不妨去白宮網站既petition簽名。
沒有留言:
張貼留言