200221五中午晴暖：韓日大鑊

本月連博19日後，以為終於可以不住院臥床，也能不脫博。點知衰俾電腦。

一隻大容量手指，原來filing system係衰既，copy、defra...一概唔得，仲hang機，搞waan Win 10：冇咗中文輸入，甚至不能重裝。

最後怕唯有backup data，㩒自我毀滅制，回到出廠時。

電腦冇中文期間，唯有回到住院個個幾月，靠手機上博。

昨中港疫情繼續平淡。港既不幸係接載郵輪港客既包機唔飛，延到今日，一班歸心似箭既港人要係日本捱多一日。

但講疫情，昨日既主角由中國轉咗做韓國：一日內確診倍增至過百，成為武肺第二大國。而且仲衰過香港昔日沙士來自廣州既超級播客：疑係大邱市1個女教徒參加教會一種好特別既崇拜儀式，感染50人。

作為偶發事件，傳播的範圍明確，不代表韓國疫情失控。但韓片只要把宗教崇拜改為其他公眾聚集，逼真體現，足以繼《屍殺列車》再創恐怖片高峰。

但日本似乎更 jaao gei 。雖然郵輪昨日新增確診減少到十幾人，但國內持續散開。日本除了大城市的核心區，居所密度低，都閘唔住，怕係防疫意識弱。還要擴散才會喚起危機感。

而家可信，習近平預訂4月來訪要推遲。7月的奧運唔怕講，唔咁話實。