今日最震動港人的，唔係醫護擴大罷工，而係one down！
我不懂醫學，但用自己讀科學時既思維估，係武漢領嘢既39歲港男今晨病情急轉直下，似帶有偶然性，不能證明武肺死亡率的高低。
We mourn our first casualty and pray for his family, especially his elderly mother who was also diagnosed with the disease.
But this case may not tell us much about how deadly this 2019-nCoV （2019新型冠狀病毒）is.
So let us move on.
真正重要的係今午當局記招提到的"隱形傳播"。
至今已很清楚，武肺死亡率不高，但好易人傳人。
應屬全球最權威的美國CDC（相當於港的疾控中心）甚至"危言聳聽"（以中國看）話，可能會係最厲害的一種傳染病。言下之意，遲早遍佈全球。
說白了，染病或唔死得，但可能累通街。一如任何瘟疫來襲，人人求自保，彼此責怪、排斥甚至驅逐，家人之間也不免，社會秩序瀕臨崩潰。
咁惡劣既可能性或微乎其微。但多年來辛苦建立的社會秩序可能毀於一旦，不能不防。
講到抗疫，今天除咗first casualty，港最多人講既，怕係澳門午夜起封娛樂場所15日。結合ViuTV和TVB晚間新聞節錄的賀一誠講話，只能說：冇諗到，記憶中管治一向與港冇得比既澳門，呢次防疫不但由頭帶到尾，聽新特首講話，恨不得港澳暫時合併，由賀一誠主理，請林鄭放假，或者好似沙士期間既曾蔭權，負責洗地。
純憑記憶，賀一誠講話一針見血。即便以最唔信政府既角度看，也要承認佢睇得準、敢作爲，與林鄭係兩個極端：
1. 明知"自封"經濟代價好大，但人民健康要緊。言下之意，再痛也要人民爲先。
2. 娛樂場所答應不要員工放無薪假，換言之，在家停業照出糧。
3. 懇請市民儘少出街。明知煩民，但同樣冇法，只能求諒解。
4. 經濟上頂得住，幸虧多年來有積蓄。自己做立法會主席時就講，花無百日紅，積穀防饑。而家正係用儲備既時候，"否則要離做乜"（這句是他的原話）。
5. 無法即時封關。除咗市民日常生活所需全靠內地輸入，好多爲澳門工作既人，例如清潔...等，住係珠海。但會逐步收緊關口...換言之，再惡劣的話，不排除全封。
但唔怕講，賀一誠狠心封賭場，除了爲民，也是預防情況再惡化，經濟損失更大。本博上週說過：澳門萬一淪爲疫埠，幾十間賭場酒店停業消毒，動輒要幾個月。等到客戶敢返離玩，前後怕要半年。期間全市停擺，損失以百億計。復開後，不排除不復以往的旺勢。及早斷臂，好過到時要鋸大髀。
但我哋呢？無常理可言。甚至荒謬到：硬性規定公務員非對外不得戴口罩，以求節省。但每個人看待安危差別很大。有人驚青，有人大而化之。在此時勢，驚青亦屬正常。人地爲你打工，點能夠唔提供起碼既保障，令人安心返工？唔怕講，口罩係今日既香港已成人權。冇就留在家。要人返工，提供口罩係僱主起碼既義務。
萬億儲備既政府買唔到口罩，係你無能。唔能夠要僱員來承擔後果。
再說，我地自己有咁多儲備，國家又咁"厲害“，點會搵唔到口罩？國家能一週起一間防疫醫院，作爲世界工廠，點會唔能夠頒佈緊急狀態，動員百萬軍民全天候趕工，不但確保本國供應，連帶支援（中共術語）全球有武肺疫情的國家地區。咁先係真正既大國。做到咁，全球都會"來朝"。唔使靠ICBM、太空軍...就超越美國。
沒有留言:
張貼留言