200203一晚18°C 83%：冇得救

   誰堅持港封關擠牙膏，拖到醫護罷工升級死線先離補鑊，此人冇得救。
   但黃絲傳言：死都唔閂機場等關口，因爲內地權貴用得多。尤其呢排，一家大細趕著外出避疫。
   罷工的醫護自然會咁睇，從而堅持升級。
   難道林鄭特登拖多24小時，等的權貴走得七七八八，聽晚6點先宣佈全閂？

   近日一直忘了問：周前高調來港接班的欽差，對疫情和林鄭的困境爲何毫無表示？內地疫症外傳，加強港人反中的情緒。呢種一國兩制的敏感互動，正是中聯辦的拿手好戲。止肺制疫分秒必爭，比止暴制亂更迫切。

醫學方面：
   好消息係：港人相信既廣東專家預測，疫情不出兩週就到頂。言下之意，此後就會回落。內地、泰國、美國分別發現，武肺有現成的藥可用。雖屬初步嘗試，但至少好過對乜藥都冇反應。
   壞消息係：有內媒不怕死說：確診和死亡的實數遠高於官方的公佈；與此同時，武漢醫院和街頭有視頻似爲此作證。中國內地以外初見有人死：菲律賓。明知中方不Like，派機撤僑、對中國內地甚至港澳居民閂閘的國家日增。趨勢若持續，不出一週，港人即成black sheep。有本港和西方專家預言，疫情要4月才到頂，確診累計會過10萬，過萬人死亡。
   人既本能係自我保護。消息有好有壞時，多數人寧可預衰的，所謂better safe than sorry。何況上面的可信度，境外早有定見。港人信好定信壞，不言而喻。
   希望上述夠膽噏既內媒，即使估錯，都唔會以洩密論處。近年裏面一再收緊言論。意識形態上，似乎想由開放改革回到文革前。
   
   疫情攬炒下，傳聞〈人行萬億救市〉。記得08年底華爾街觸發全球金融海嘯時，中方動用4萬億人幣救市，被視爲全球人民的大救星。如今疫情不過2個月，已要出動萬億。唔敢諗拖多兩個月會點。到時，特朗普必看似好認真咁話：如果我的好朋友習主席開聲，我好願意出一份力。但私下諗：呢回重唔輪到我報仇？
   昨晚漏夜去騰訊網站查疫情數據，點知係錯既，博文也就跟住錯。今晚唔制。