好事：青衣一棟公屋過百住戶都冇感染，平安回家。住處亦經檢驗，確保唔會翻版沙士期間的淘大花園。市民應該對樓宇出事當晚漏夜檢驗的港大專家又多一份信心。
對比今晨局長就接回被困湖北2,000多港人的回應，怪唔得學者建議當局放手俾專家管。不過，林鄭咁打得，又嫌醫醫相護，所以先改由護士掌衛生，搵幾個醫生離抬下轎就冇所謂。
好事？內地確診增幅繼續放緩，死亡增幅也繼續低於10%。當局更強調：湖北以外各省市合計的比率持續下降，看來封省已切斷了省外的傳播鏈。數據若可信，鍾南山或講中：月底疫情有望見頂。若此，4月就可解禁。
但對我來說，情勢任何一日都有可能逆轉。我與林鄭有一個共同點：不見黃河不流淚！風險一日未去，我都唔會當冇事。
壞事：內地以外的地區，確診數大致與內地來往的多少成正比。由此看，我地與內地每日有幾十萬人次出入，咁既確診數已算好好彩。新加坡就唔係幾好彩。更唔好彩既係日本。
當然，日本一個偶然既因素係停靠既郵輪確診率高達300/3,700，而且仲未驗嗮船上所有人（我上週就估會有300-500）。但即使剔除郵輪，日本國內的確診數也幾乎是中國內地以外最多的。這是否說，內地人喜歡去日本旅遊、留學、打工、居留？
日本更唔好彩既係：七月辦奧運。雖然還有四五個月，但很多工作恐怕現在就要動手。這兩天確診一下子驟增，令人擔心。何況還有習近平四月來訪。Too ambitious.安倍怕要去神社多多求福。
疫情帶出政治。討厭中國的人想睇佢點死，憎習近平的人咒佢倒台。中方厲害慣了，自然頂唔順，由外交部高調還擊。部長、大使、發言人都很努力，但似乎只能說服本來就愛國的人。
近年，西方國家、日本、越南、印度...經常針對中方，關係欠佳。但中方呢次抗疫，雖然不止一次說，有些國家對武肺反應過度，但行動上只single out美國，借用中方自己的話，逢美必反。
網上瘋傳美國的痛腳：武肺至今只死~1,000人，但美國每年流感死人過萬。言下之意，自己係大賊，鬧人地鼠摸。一些高齡的愛國朋友反覆地傳來，以證美國的虛僞、醜惡。
我冇查美國流感點解死咁多人，更唔知有冇傳出國。但中美防疫的確因爲政制位於光譜的兩極，中國有的「好嘢」係美國做唔到既。
中國係威權，有權封城、封省、頒佈戰時狀態，動員上億黨員、軍人、國企、央企...上前線，爲截斷傳染鏈不惜犧牲...。財政上大筆一揮就有應急錢，用了再說。因此，周前就有西方評論說，中國犧牲湖北一省以救全國。官方這兩天不就強調，湖北以外各省市確診的增幅持續下跌？
我至今記得，在廣州讀小學時學既董存瑞、黄繼光烈士：在抗日、內戰、韓戰中，抱着炸藥包爬到敵方碉堡下方。由於無處可放下炸藥包，托住高呼口號引爆，讓戰友衝上來佔領敵方的高地。
今天防疫或不至於這樣壯烈。但萬一遇到危急情況，難免有人想起這種以小我成全大我的革命精神。
但美國總統、政府莫說冇咁既權力，連咁樣講怕都唔敢。醫護對有流感的人也無權強制隔離，只能提示、勸諭，否則隨時被告侵害他人的自由。
沒有留言:
張貼留言