200225二晚21°C 90%：超悠長假期

   內地數字續放緩。對港人來說，焦點是何時接回2,700（最大的報數）滯留湖北的港人。
   但今天的港人精於需索，難伺候，媒體又照例偏市民反政府。反過來，香港公務員按章辦事，順境也文也武，逆境短於變通。無論多用心接人，以滯日郵輪的先例，到時都會俾人捉到甩漏。要做足心理準備。
   例如，有滯留既港女話，住處離機場半個鐘車程，冇公共交通，見其他國家撤僑，派車上門接去機場，希望港府也如是。
   我話，港府最好準備定直升機。尤其係有港孕婦在農村，係車度dun幾個鐘去機場，萬一影響到胎兒，港府必成千古罪人。
   港今天的焦點或者唔係疫情本身，而係：中小學放到4月20日復活節後才復課，但DSE（應屆文憑試）不押後。這影響到百萬家長照顧子女的安排、十萬老師的工作調度、幾萬考生的升學前途。怕只能各顯神通，希望大家順利。
   疫症的攬炒比反修例厲害千倍。有人一語道破：兩者的差別在於，忍者街頭鬥防暴，常人可避開；但病毒隱形，可以無處不在，冇人知道點避，最終只好謝絕一切，人人自閉，叫停社會。
    連我呢類退休中期人士，也難逃影響。首先怕期間出入醫院有風險，推遲所有既複診。好在我唔使食三高、心臟藥，否則冇得避。
    然後日前接電郵通知到期還書，托住幾本硬皮書去圖書館，以爲即使唔開館，也可以掟入還書箱。點知連還書箱都封口，要托番屋企。但冇電郵話我知封還書箱。咁我係唔係可以complain?算啦。
    至於gym，過年前開始休息，至今已停咗一個月，睇樣三月都未必開。都好，窮則變，我既應對係清晨伸展、下午散步，每日逼自己郁一個鐘。至少保持免疫力，唔好累己累人。

   今午散步，諗起世紀之交以”The World Is Flat”紅遍天下的NYT專欄作家Thomas Friedman。但自金融海嘯後，此人的euphoria就已變成諷刺。繼而無節制的全球化激發歐美民粹主義，西歐右翼冒起，美國特朗普當選，英國脫歐，再到如今香港，本土、反修例、反中、獨立...，以至此刻的武肺南傳，無不是全球化（內地融合香港可視爲全球化的一個環節）的副作用。Friedman已成過街老鼠。
   常理都知應該全球化。但再好的事也有副作用。飲水太多都會中毒；運動過多會虛脫...。全球化令七成人得益之餘，也難免有兩成人失益，而且可能係嚴重失益。只有冇腦既人先會以爲只要全球化，人類就到達天堂。You go to hell, Friedman.