10（或11）人/19人一次邊爐後確診NCP/新型冠狀肺炎（中方爲武肺的俗稱正名），足證傳染性厲害過沙士。
最麻煩的是，可‘隱形’傳播：
1.患者可能發病而不發燒，只量體溫不能排除冇病/毒；
2.帶毒但無症狀的潛伏期也會傳染，無法確定未發病期間出入公衆和工作場所時，有多少旁人領嘢。
今日更傳來：一般感染者的潛伏期最長14日，但有個別人長達24日。後一類人只要佔感染者幾個%，隔離14日後恢復外出，到發病前有10日之多，到過既旺區、地鐵巴士、食肆、商店...點數得嗮？點知有幾多旁人中招？
手機用戶到過既地方，Google Map雖然會錄低一條線。但要track到幾點幾分途經既街道、商店，除非係國安、美國NSA。
今天公佈有隔離者違例，理所當然。警方spot check到9個，佔過千隔離者約1%。但以常理估，實數或係幾%。由火鍋家庭看，若有20/30個人偷雞，其中1個帶毒，在公衆地方出沒幾個鐘，就可能觸發感染鏈，手尾好長。
同樣說明武肺傳染力厲害的是，停靠日本的郵輪，船上約3,600人，感染者連日飆升。未大範圍測試已接近140人。所有人若逐一測試，會否有300~500？
但這帶出了一個問題：船上同樣有3,000多人，爲何日本港口的郵輪感染者以百計，香港的幾乎一個都冇？
至於口罩：
1.林鄭應站出來，鞠躬多謝近日廉價出售甚至奉送口罩予市民的私人企業、機構，今後請他們參與公共事務。
2.管制口罩價格不可爲。提議既建制黨純屬民粹想當然。如今國際上日漸緊張，人人搶貨。香港cap零售價，牟利既商戶只好放棄搵貨，市面連僅有既高價貨都冇埋。服務性的低價出售者即使在外搶到貨，輪候時人龍比現在更噓憾，難免起爭執，連港人文明的形象都衰埋。
3.至於本地生產，設廠自製需時太長。要再等兩個月，疫情擴散難以想象。但歷經今次，港正好檢討單靠金融、旅遊、地產，放棄工業的空洞化經濟。港地少租貴人工貴，工業搬上去正常。但連關乎社會安全的用品都放棄，一旦有危，係國際上買唔到或運唔到離，港人就吊起。冇足夠保護，點叫醫護開工？經過今次，我地開始明白，乜嘢叫戰略物資：就係有危時，人地要留住保命，唔肯賣俾我地既，雖然每個只值一蚊幾毫。
此文未寫完。但夜了，就此打住。
沒有留言:
張貼留言