200211二午夜18°C 92%：疫情下月見頂？

   有沙士淘大在前，青衣一幢公屋上下同方位單位有人確診，成爲過去24小時唯一的話題。但港人很信的一位專家應可calm到公衆的憂慮：唔係淘大2.0！
   過去呢幾日，內地新增確診和死亡個案都持續放緩，現已跌破10%。公佈若可信，大勢向好，可望像一位港人同樣好信既專家話，疫情下月見頂，比前兩週的預測至少早一個月。
但香港新增確診過去兩日反而顯著上升。一個偶然的因素是一個大家庭交叉感染，高達11人。但這也再次說明，武肺傳染力厲害，只要一人領嘢，同住、同工的人難免。
   印象中，家居隔離者已逾2,000。偷雞的增幅通常會大過隔離者的增幅。因爲人愈多，偷雞相應愈多，當局spot check中的機會愈小，反過來，你出街撞中的機會上升--雖然絕對值仍然很低。

    至於衆志有10萬口罩由美抵港，部分交民主黨分發，部分以低於成本價網售。即時聯想到：反修例在美國的影響厲害。不排除美國有政界高層幫手搵貨。但錢可信係港人自己出既。
    藍營或會大鬧港奸、CIA。但痛恨連醫護都冇法子提供足夠防護既市民，會歡迎這種雪中送炭。
    希望黃營再接再厲，讓港人知道，他們除了政治，也能夠做實事，貼身服務市民。
林鄭政府這次抗疫，完全暴露了這個政府，只能在香港平安時起作用，一遇到危難就束手無策。
   林鄭日前當衆說（大意）：如果邊個有路數搵口罩，請與政府聯絡。香港肯定係全球十大富裕城市之一，市長咁講好似係與世隔絕既深山居民，我作爲市民聽到都覺得醜。
   香港一向在全球各大名城派駐經貿處。日常的職責係推銷香港，爭取外商來港設辦事處、上市、開業...。但如今香港危難，形勢逼在眉睫，難道唔可以請薪高量準既經貿辦官員，破例反過來爲香港搵救命既物品？我唔信係倫敦、紐約、東京、巴黎、法蘭克福、三藩市、芝加哥、羅馬...發散去搵，逐個問當地相熟既殷商、大企業，都搵唔到口罩。呢個政府由上到下，簡直不知所謂。