200226三晚22°C 88%：人人都係萬元戶

    港今日只有一個話題：回歸22年半，人人派一萬最豪（初步看，長居海外的港人也有份，只要：1.有永久居民身份證；2.在港有銀行戶口可過數。港銀行在西方的分行不適用。）。
    包機去武漢接人的計劃才公布了第一步，且看明天的湖北港人有幾多需索和投訴。
    至於大派錢，有苦自己知：反修例惡鬥七個月，官民僵持。雙方正谷住，點知又離個仲傑既武肺，全城攬炒，750萬人無一倖免。到此地步，唯有喇著口面沖喜。
    此舉或會創下空前的1,400億赤字。但有人真正開心？反建制唔係要錢；政府/建制用錢買唔到人心，爲立會買票更係妄想。
    700萬人各收一萬，或只有10%既基層真係用離開飯交租。另外七成人除咗用離抵消防疫開支，怕就係飲食、消閒、旅遊。而且，人人上網搵機票酒店後，旅遊既花費，香港怕只賺翻一半。得益既係港人旅遊熱點日、台、歐、澳...。
    但可以明白，當局無奈。無論做乜，佔市民七成既反對者都會搵到理由鬧，當局不可能提建設性的制度安排。唯一可塞住多數人把口既，就係派錢。而且全城攬炒咗大半年後，派得唔夠過唔到關。
   預算案講到此就算。以下回到疫情。
   過去24小時內地平淡，香港擔心，但焦點在：
   1.拉美終失守：巴西有人從意大利帶回。
   2.非洲有第二單。但暫仍限於北非，且看撒哈拉沙漠封唔封得住武肺南下。
   3. 意大利狂爆，成爲歐洲甚至非洲既禍源。
   4.至於香港，今天最勁既新聞唔係佛堂案大爆發，而係：抗疫專家組的日裔美國前世衛專家Fukuda（福田敬二）話：武肺很可能變大流行(pandemic)，過後都未必會如SARS般消失（MP）。言下之意，武肺將會長期與世人並存，久唔久就爆一次，但比流感難搞好多。
   周前見佢出鏡，講話中肯、清晰，以今日的世道，難得的謙謙君子。聽其口音，應係美國的Nisei（日人在美生育的第二代），但仍然有東方人的謙厚，來港服務係香港之福。
   佢既話，我唔敢唔信。
   5.令人苦笑既係：香港有人趁肺打劫，連偷帶搶好多鑊，但都溼溼碎。是否走投無路，特登想食大茶飯？
   6.是否同樣趁武肺奪去世人的注意力，西歐恐怖分子又頻頻出擊。但不幸中大幸，唔知係唔係當局睇得緊，唔用炸彈靠刀，至少傷害較小。呢班人係另類既烏合之衆，可憐。