200207五晚19°C 81%：居家隔離可能是災難

李文亮「悔過」書

   沙士時港人好信既內地專家話：武肺新增病例不會再升太多。
   近日，官方公佈既確診增幅的確連日放緩，昨僅超10%，死亡率也差不多。今日連香港都只增1宗確診。內地數據若可信，好事。
   但湖北幾已封省，確診和死亡增幅仍不低。疫源一日唔趨淨，一日都放唔低。
   
   但不幸的是，疫情大約爆發個半月後，有了第一個烈士李文亮。
   官方一直強調，武肺死亡率2%，遠低於沙士。現在並沒有說，李文亮醫生有隱疾、長期病...或身體孱弱。以34歲的盛年被50個患者裏只有一人死亡的疫症帶走，作爲第一個「洩露」疫情、被當局儆戒的的醫護人員，難免造就陰謀論。有人就懷疑，當局調查他的問題，是怕外界懷疑他死得冤枉，擺姿態來疏導民情。
   唔怕講，境外的人最中意諗埋的衰嘢，例如想起李旺陽。

   傍晚睇直播，政務司帶一班大官，講半夜起強制內地回/來港者居家隔離14日。但個個有氣無力，毫無鬥志。最低級個個公務員更唔係用口語，而係背文件。港人點會跟你？
   我估，呢班友自己都唔信居家隔離。漏洞多，權責不清，到時一定好多爭議。但唔咁做又俾你地鬧，勉爲其難，不情不願。
   最具體的一句係：最高刑罰20,000元或入獄6個月。但要捉到偷雞，成功定罪，百中無一。再講，20,000元只係新畢業大學生的月薪，邊個怕你？但偷雞外出感染一個人，入院一日既成本都唔止呢個數。
   而家既法律首要人道，有咁軟得咁軟，點應付疫情呢類重大的公共危機？