190728日午後29°C 87%：大幸

   明知有影響的言論都咬定警暴，昨晚黑衣人既已從大街退入西鐵元朗站，促使其上車離開應足以恢復秩序，何須派強力的速龍小隊衝入站內拉人，製造鎮壓場面？當局在這方面確有改善的空間。
   但社會上普遍恨警，年輕一代更有你冇我，媒體和社交圈單鬧警方，只怕自欺欺人。當局昨天其實有一個好大的credit：及早封死圍村入口，避免勇武者突入，與地方勢力短兵相接。否則到時黑衫面對的怕唔係藤條木棍，而係開山刀...，點只傷24人？
   而且，即使係美國都好難拗：你入侵私人地方，屋主攞槍砰你。自衛最多係坐幾年，你冇仇報。
   昨天若有人因爲入村流血，肯定全城聲討甚至暴動。到時真係搞出城鄉tribal warfare，戒嚴、出兵怕都難免。
   正因此，同樣要給勇武派credit：見警方一直頂住，最後知難而退。入黑後若用遊擊戰術突擊入村。警方既要追捕，又要隔開他們與村內的大漢，將疲於奔命。
   但話說回來，封死圍村，唔俾示威者突入以防大出血，係人都諗到。
   若此，就昨天的表現，我會俾警方5分，示威者5分。警方的5分裏有4分係封村；示威者的5分裏，有3分係和平遊行，2分係唔堅持入村。
   希望而家既「西遊記」都有分寸。