190524五=39+38晚：5*Sir

腰傷快將三個月，康復黃金期將滿。幸而住院後期和出院後，各遇到一個很好的物理治療師。
出院後的呢位阿Sir，與我的黃金期競賽，想追回我住院個多月，筋肉退化的時間，確保我在頭三個月餘下的時間裡，獲得最大程度的康復。
一周見阿Sir一次。每次第一句係問：(上次理療到而家)「感覺點呀？」我話有用，痛少咗。阿Sir就耷低頭諗，然後吩咐「功課」。感覺上，佢係諗乜嘢運動對我呢一刻最有效 。
日前俾我做兩個臥床的帶波腰腿運動，每個15分鐘。我就覺得好啱使。
戴咗硬腰封將近三個月，第一次敢左右兩邊大幅度扭腰，而且不覺痛。
第二個運動較辛苦。唔痛，但好用力，手到震埋。我深呼吸頂住，相信亦有收穫。
可惜個波太大，否則買個係屋企自己練。
Looking forward to 下次見阿Sir。
由出事後飛車去急症室，再轉送大醫院至今兩個多月，所遇到的醫護和阿哥、阿姐都好專業(或者個別例外)。若在本分之外，再加用心甚至上心，病人就真係中獎。
我在物理治療裡應屬重症。但阿Sir同一時間要照顧十個八個病人，能夠同我諗幾秒鐘，唔係循例執藥，實在好難得。
我俾5*！