180520日近午30°C 67%：王子，天琦，肥局...

   續熱，忌戶外。昨直升機救3行山客。
   *英王子大婚再顯全球最佳皇室的魅力。我的國第日公主出閣是否也搞點軟實力?由全球權勢指數爆燈的人親自give away。她不妨請dropout的哈佛師兄Gates、Zuckerberg來觀禮，順便與我國的兩馬商討AI前景。但Obama這種高大師兄就算了，以免特統不friend你父親。
   *皇室大婚的同時，中國買下英皇家鑄幣廠做使館。因爲人民幣好使過英鎊？
   *Good luck, everyone：誠哥90退生意搞慈善，杰哥55貌超齡，發哥63。
   *旺角暴動案的天琦唔學同道走佬，返港投案罪成。庭上對暴力表悔意，可信其誠。希望他也好運，早日出來爲社會做實事。
   至於走佬嗰幾個，或許真係成長於”Age of Extreme”，唔信港97後有法治。但我嗰個年代，港人以「契弟走得『麽』；執輸行頭慘過敗家」為榮。我會信「一人做事一人當」嗰啲多啲。
   精明係港人本色。但隨着社會進步，以往用來搵錢，而家用來攞錢。最新爭取既係安老牀位面積。社論曰〈監獄面積勝院舍 長者人權算甚麼〉。我Like！
   唔該同我班老嘢「去到盡」。第日輪到我，最好間間都係單人套房，有齊5G、VR、AI、機械護士、central medication control(中央給藥，打針唔使入房)...。我排定隊先。
   *肥前局觸及美國賄賂罪，向紐約州申保，一再加碼都被控方翻價。最新好似係US20m，漲得快過港樓價。
   睇電視，上庭既正係紐約既打虎聖地Lower Manhattan Court。80年代去唐人街返報館，不時路經。
   肥官醫生出身，盲無愛國，入境不問禁，撞正最惡的曼哈頓。但檢方這次的兇狠超乎常理，說阿肥背後有無限資源，擺到明保釋金無限，wen死你爲止。檢察舞劍，借X公來揚名？
   加上特統逼華平衡貿赤。肥前辛苦了！毛主席話齋，壞事變好事。趁在押少食多運動減的磅啦。