180213二近午15°C 62%：法律三則

   昨總算趕在人家收爐前交貨，接著趕喺年晚前買餸stock up。最怕過年要到處搵食。
   九巴年晚炒車，死人多過台灣地震，頭七更撞正初二煙花。連最高領導都有所表示。全港哀悼、取消煙花份屬必然。唔衰得俾蔡英文睇！
   禍首難逃。香港雖越來越關愛，但一樣米食百樣人，也總有0.01%是另一個極端。
   
   我係法盲。但今朝咁啱3則新聞都有關法：   
   *「規矩終歸係規矩，我有責任嚴格遵守，個人疏忽唔係理由」：通訊局主席漏報持中移動股，周五請辭，昨周一出鏡如是說。稱辭職與他人無關，自己一發現漏報，同日通報通訊辦，隔一日向特首請辭，要求即時生效。可惜67了，否則可選特首。
   此人是律師。律師冇大律師咁反，但也冇大律師咁威。西環上次爲他助選法律界議席，死亡之吻！
   *局長：「人大等同樞密院。」唔使問我都知人點駁你啦：中國有英國咁民主咩？信得過咩？
   *雙學三子案終審總算冇估錯：《人民》海外版借內地學者口，直斥「姑息放縱違法犯罪、法治權威不彰」。司法怕要學澳門，法官全華班，請內地留英的律師來救駕。