130531五熱：排九個月，輪兩個鐘，睇三分鐘

    連日忙於瑣事。週一肩周炎複診。排期九個月，輪候兩個鐘，睇症三分鐘。

    我早20分鐘到。午飯時間，候診大堂十分疏落。但過了預約時間40分鐘，叫了幾十輪還未到，以為去洗手間錯過了。Counter答還未開始睇症。

   我剛抵達出示預約紙時，counter就問我是否有兩個預約時間。我一愣，說只有一個。事後想，院方是否分輕重症，先重後輕？醫生集中看「重症」，有空才讓我這類可有可無的症「攝位」？

   與上次是同一醫生。問病情時，我說近月一直有進步，但近日忽然轉差。醫生話，係咁架啦，有時又壞的……。叫我用右臂做了兩個標準動作後說，幾好呀！我說，這個動作做唔到。醫生：係呀，可能就是撕裂個度。一年後複診啦，到時唔係一定要離架！我明白：俾日期係當局的規定，但無必要就唔好番離揾我啦！

    我沒有complain。這類關節痛症有三個特點，令醫生病人都感到無奈：症太多，60歲以上的人可能過半都有；拖得長；療效低；唔使死，影響生活微。說白了，難受但很少病倒，醫唔好但也死唔去。

   故此，如何對待視乎個人的資源。除非每週花一兩千去私家做理療、推拿……，持續一年半載，短時間的治療只能避免惡化，無法復原。步出醫療所時有明顯的改善，但不出24小時又打回原形。公家既然捉襟見肘，當然把資源留給「真」病者。我這類情況只能自求多福，惡化再說。
   至於我的醫生，要說他敷衍，先要知道他每天看多少症、開多少刀，真正有病的與我這類borderline case的比重。