230918一中午陰31°C 71%：「夜繽紛」怕頂唔住深圳既「港客優惠」

    今午也有家事，出門前先謅幾句。
    港媒說：月來港人北上~2x內民南下。言下之意，是為港消費疲弱的主因（當然還有抗疫3年後，港人生活習慣改變：不愛夜遊；中產外移、報復性外遊…）。

    港的「夜繽紛」看來會不敵深的「港客優惠」。
    無他，這是上面地大多元，因而多念頭的優勢。
    而家上面的物價可能只比香港低2成，但品種可能多10倍，啱嗮港人貪新。
    香港的可居地只及深圳市幾分一，人口~1/3。地小密集無疑地理距離近、生活方便，但700萬高收入（相對深圳）人屈係彈丸之地，必然推高生活成本。反過來地方細，坐一個鐘頭車，唔係落海就係來到關口。去邊都要過帶出入境證件。
    人地地大多元，我地地細本土，各自有辣有唔辣！
    我好耐冇上去玩。唔係怕政治，而係怕輪隊過關。如果過關不只一地兩檢，而且搭北行既東鐵，係上水站一開車，車廂四周既高解像度CCTV就自動掃描乘客既面容，與港、內兩邊數據既身份核實。核對後無礙既乘客係羅湖落車後，行到出入境關卡，閘機就會自動開啟，我一定幫襯。
    過境大巴可在車裡裝幾部CCTV。車邊行進邊掃描，數據傳送給邊檢。全車旅客若過關無礙，巴士開到關卡後，可直行直過。偶有個別旅客出入境有疑問，巴士才開到關員守候的停車處。

    （記得大約30年前去西歐旅遊，從意大利坐通宵火車入境德國。火車從意境進入德境時不停站，但有一男一女的德國邊檢巡視車廂，請旅客逐一出示旅行證件。這是歐盟當時的做法，今天當然已落伍，更不適用於進出內地與香港，因為旅客多、車程短，邊檢不可能手動檢查所有旅客的證件。面容掃描似乎對旅客和邊檢都方便，也最少錯失。）
    當然，針冇兩頭利，掃面容過關的話，會有港人怕失卻私隱，令當局容易挑剔不受歡迎的人。為此，要反上述之道而行：港人俾共產黨既資料越少，對自己「人權」既保障越大。故最好回復到30/40年前回鄉證成本護照咁厚既年代，過關隨時要排半個鐘。
    但我因為年紀兼冇政治，純從方便出發。以上兩種不同的人生觀，正如甜與辣，各有所好。
    誠然，對不少港人來說，私隱和人權份屬核心價值，豈能為生活便利而放俾共產黨。
    記得幾十年前剛開始有八達通時，立法局（回歸後改稱立法會）就有議員擔心俾政府得悉用戶的行蹤。說白了，成為Big Brother。我甚至記得，當時質疑得最厲害既係民主黨卿姐。

    的確，其後好多罪案係靠八達通記錄來追蹤嫌人發現的。有咗八達通，政府想掌握你既黑材料好易：你放工後上地鐵，唔係番屋企，而係出一個大屋邨站，係超市用八達通買酒食。屋邨既CCTV發現你入咗一個單位，逗留咗成個鐘先出離，上地鐵番屋企。

    如果你第日出離拋頭露臉、唔係好乖，話唔定網上就會流傳：原來你放工後不時進入既個個單位，住客係一位靚女…。有人係網上睇到，click咗俾你伴侶。仔女既同學亦係學校裏分享。

    而家點只八達通，最多人用既社交apps都留有你既GPS軌跡，幾時到過邊，逗留幾耐，一清二楚。你死梗啦！